പട്ടാമ്പി: കേരള അറബിക് ടീച്ചേഴ്സ് ഫെഡറേഷൻ (KATF) സംസ്ഥാന കമ്മിറ്റി സംഘടിപ്പിച്ച അലിഫ് അറബിക് ടാലൻറ് ടെസ്റ്റ് സംസ്ഥാനതല മത്സരം പട്ടാമ്പി ഗവൺമെന്റ് ഹയർ സെക്കൻഡറി സ്കൂളിൽ നടന്നു.
അറബി ഭാഷയിലെ പ്രാവീണ്യം, ഭാഷാ നൈപുണി, സർഗാത്മക കഴിവുകൾ എന്നിവ പ്രോത്സാഹിപ്പിക്കുക എന്ന ലക്ഷ്യത്തോടെ സംഘടിപ്പിച്ച മത്സരത്തിൽ കേരളത്തിലെ 14 ജില്ലകളിൽ നിന്നായി എൽ.പി., യു.പി., ഹൈസ്കൂൾ, ഹയർസെക്കൻഡറി വിഭാഗങ്ങളിലെ വിദ്യാർത്ഥികൾ മത്സരത്തിൽ പങ്കെടുത്തു.
നിസാർ അഹമ്മദ് പ്രാർത്ഥന നിർവഹിച്ചു. കെ.എ.ടി.എഫ് സംസ്ഥാന ജനറൽ സെക്രട്ടറി മൻസൂർ മാടമ്പാട്ട് സ്വാഗതം ആശംസിച്ചു. കെ.എ.ടി.എഫ് സംസ്ഥാന പ്രസിഡന്റ് എം. ടി. ആബിദീൻ അധ്യക്ഷത വഹിച്ചു. പട്ടാമ്പി മുനിസിപ്പാലിറ്റി ചെയർമാൻ ടി. പി. ഷാജി ഉദ്ഘാടനം നിർവഹിച്ചു. പാലക്കാട് ജില്ലാ മുസ്ലിം ലീഗ് പ്രസിഡന്റ് മരക്കാർ മാരായമംഗലം മുഖ്യപ്രഭാഷണം നടത്തി.
പട്ടാമ്പി മുനിസിപ്പൽ വൈസ് ചെയർപേഴ്സൺ അസ്ന, പട്ടാമ്പി ഗവൺമെന്റ് ഹയർ സെക്കൻഡറി സ്കൂൾ ഹെഡ്മിസ്ട്രസ് ഗീത, കെ.എ.ടി.എഫ് സംസ്ഥാന ഓർഗനൈസിങ് സെക്രട്ടറി നൗഷാദ് കോപ്പിലാൻ, കെ.എ.ടി.എഫ് പാലക്കാട് ജില്ലാ ജനറൽ സെക്രട്ടറി എം. ടി. എ. നാസർ, പി.ടി.എ പ്രസിഡന്റ് കെ. ഗോപാലകൃഷ്ണൻ, എസ്.എം.സി ചെയർമാൻ വി. കെ. ഷറഫുദ്ദീൻ, സംസ്ഥാന വനിതാ വിങ് ട്രഷറർ അസ്നത്ത്, കെ.എ.ടി.എഫ് സംസ്ഥാന ഭാരവാഹികളായ ഡോ. മുഹമ്മദാലി മിശ്കാത്തി, കെ. നൂറുൽ അമീൻ, ടി. സൈതാലി, അബ്ദുസ്സലാം, സംസ്ഥാന വനിതാ വിങ് കൗൺസിലർ റംല, ഇ. ടി. അബ്ദുസമദ്, മരക്കാർ അലി, മുനീർ, ഫൈസൽ ബാബു, ശിഹാബുദ്ദീൻ തങ്ങൾ, ഇബ്രാഹിം ബാദുഷ, മെഹബൂബ്, ദാവൂദ്, അബ്ദുൽ ഖാദർ, എം. വി. ഫസൽ, നൗഷാദ്, ഷഹർബ, ജസീറ, സുമയ്യ, അലി എ. കെ. എന്നിവർ ആശംസകൾ നേർന്നു.
ലോകത്തിലെ സമ്പന്നമായ ഭാഷകളിലൊന്നായ അറബി വിജ്ഞാനത്തിന്റെയും സാഹിത്യത്തിന്റെയും സംസ്കാരത്തിന്റെയും അമൂല്യ പൈതൃകം ഉൾക്കൊള്ളുന്നതാണെന്നും, ഭാഷാപഠനത്തിനും മൂല്യാധിഷ്ഠിത വിദ്യാഭ്യാസത്തിനും ഇത്തരം മത്സരങ്ങൾ വലിയ പ്രചോദനമാണെന്നും ചടങ്ങിൽ സംസാരിച്ചവർ അഭിപ്രായപ്പെട്ടു.കെ.എ.ടി.എഫ് പാലക്കാട് ജില്ലാ പ്രസിഡന്റ് വി. എ. അബ്ദുൾ റസാക്ക് നന്ദി രേഖപ്പെടുത്തി.
