കണ്ടനകത്ത് ജൽ ജീവൻ മിഷന്റെ ഉപകരണങ്ങൾ മോഷണം നടത്തിയ മൂന്ന് പേർ അറസ്റ്റിൽ

എടപ്പാള്‍: ജൽ ജീവൻ മിഷൻ പദ്ധതി പ്രകാരമുള്ള ജോലികൾ ഏറ്റെടുത്തു ചെയ്യുന്ന കരാർ കമ്പനിയുടെ വാൾവുകളും ഫ്ലഞ്ചറുകളും മോഷണം നടത്തി വില്‍പന നടത്തിയ പ്രതികള്‍ പൊന്നാനി പോലീസിന്റെ പിടിയില്‍.പെരുമ്പറമ്പ് സ്വദേശി പണിക്ക വീട്ടിൽ ജബ്ബാർ(48)ആനക്കര പള്ളത്ത് വളപ്പിൽ രതീഷ്(43)പുതു പൊന്നാനി സ്വദേശി ചെമ്പയിൽ നാസർ(40)എന്നിവരെയാണ് പൊന്നാനി പോലീസ് ഇൻസ്‌പെക്ടർ സതീഷ് കുമാറിന്റെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തത്.സീനിയർ സിവിൽ പോലീസ് ഓഫീസർമാരായ ശ്രീജിത്ത്‌, നാസർ സിവിൽ പോലീസ് ഓഫീസർമാരായ ശ്രീരാജ്, ഗോവിന്ദ് എന്നിവരടങ്ങിയ അന്വേഷണ സംഘമാണ് എടപ്പാളിൽ വെച്ച് പ്രതികളെ പിടികൂടിയത്.കണ്ടനകം സബ്‌സ്റ്റേഷന് സമീപത്തുള്ള കരാർ കമ്പനിയുടെ യാർഡിൽ നിന്നാണ് പ്രതികൾ വില കൂടിയ ഇന്റാലിയം പൈപ്പുകളുടെ വാൾവുകളും മറ്റും മോഷണം ചെയ്ത് ഓട്ടോറിക്ഷയിൽ കടത്തി കൊണ്ട് പോയത്. വട്ടംകുളം മൂതൂർ ഉള്ള ആക്രികടയിൽ നിസ്സാര വിലക്ക് സാമഗ്രികള്‍ വില്പന നടത്തുകയും ചെയ്തിരുന്നു.പ്രതികളെ പൊന്നാനി കോടതിയിൽ ഹാജരാക്കി റിമാന്റ് ചെയ്തു