ചങ്ങരംകുളം:കോക്കൂർ ഗവണ്‍മെന്റ് ഹയർസെക്കൻഡറി സ്കൂളിൽ പ്ലസ്ടു സയൻസ് ബാച്ച് അനുവദിച്ചു.ജില്ലാ പഞ്ചായത്ത് മെമ്പർ അഷ്ഹർ പെരുമുക്കിന്റെ ശ്രമഫലമായാണ് പുതിയ ബാച്ചിന് വിദ്യാഭ്യാസ വകുപ്പ് അനുമതി നല്‍കിയത്.അഷ്ഹര്‍ ജില്ലാ പഞ്ചായത്തിലേക്ക് മത്സരിച്ച സമയത്ത് നാട്ടുകാർക്ക് നൽകിയ വാക്കും, പ്രകടന പത്രികയിൽ ഉൾപ്പെടുത്തിയ പ്രധാന വാഗ്ദാനങ്ങളിലൊന്നുമായിരുന്നു ഈ സയൻസ് ബാച്ച്.
വർഷങ്ങളായി നാട്ടുകാരും വിദ്യാർത്ഥികളും രക്ഷിതാക്കളും ഉന്നയിച്ച ന്യായമായ ആവശ്യം, കേരള പൊതുവിദ്യാഭ്യാസ വകുപ്പ് മന്ത്രി എൻ ഷംസുദ്ദീനെ നേരിട്ട് കണ്ട് അവതരിപ്പിക്കുകയും മന്ത്രി അതിവേഗം അനുകൂലമായി പരിഗണിച്ച് യാഥാർത്ഥ്യമാക്കുകയും ചെയ്തെന്ന് അഷ്ഹര്‍ പറഞ്ഞു.
പി.സി.എൻ.ജി എച്ച് എസ് എസ് മൂക്കുതല സ്കൂളിന് നിരതരമായ ആവിശ്യമായിരുന്ന കമ്പ്യൂട്ടർ സയൻസിന് ബാച്ച് അനുവദിക്കണമെന്ന ആവശ്യത്തിനും പരിഹാരമായത് സന്തോഷം നൽകുന്നതാണെന്നും അഷ്ഹര്‍ പറഞ്ഞു
