മാറഞ്ചേരി : ഒരു വർഷം ലഭിക്കുന്ന മഴയുടെ വിതരണത്തേയും സസ്യങ്ങളുടെ വളർച്ചയേയും സാമ്പ്രദായിക കൃഷി അനുഭവ പരിഞ്ജാനത്തേയും അടിസ്ഥാനപ്പെടുത്തി രൂപപ്പെട്ട ഞാറ്റുവേലകളുടെ ഓർമ്മകൾ അയവിറക്കുന്നതിന്നായി പൊന്നാനി കൾച്ചറൽ വേൾഡ് ഫൗണ്ടേഷൻ എവർഗ്രീൻ സമിതി ഈ വർഷവും ഞാറ്റുവേല സംഗമം സംഘടിപ്പിച്ചു.ഔഷധക്കഞ്ഞി വിതരണം, കാർഷിക പഠന ക്ലാസ്, കൊയ്ത്തു പാട്ടുകളുകളുടെയും നാടൻ പാട്ടുകളുടെയും ആസ്വാദനം തുടങ്ങി വിവിധ പരിപാടികൾ ഞാറ്റുവേല സംഗമത്തിന്റെ ഭാഗമായി നടന്നു.
കുമ്മിപ്പാലം കാട്ടിൽ മുഹമ്മദ് കുട്ടിയുടെ ഭവന മുറ്റത്ത് നടന്നചടങ്ങ് ഗ്രാപഞ്ചായത്ത് ഉപാധ്യക്ഷ ഖദീജ മൂത്തേടത്ത് ഉദ്ഘാടനം ചെയ്തു.വെളിയംകോട് പഞ്ചായത്ത് കൃഷി ഓഫീസർ ഡോ: സഫ്ന വി കെ പഠന ക്ലാസിന് നേതൃത്വം നൽകി.എവർഗ്രീൻ ചെയർപേഴ്സൺ ശാരദ ടീച്ചർ അധ്യക്ഷത വഹിച്ചു.കൺവീനർ ഇ ഹൈദരലി മാസ്റ്റർ ആമുഖ പ്രഭാഷണം നടത്തി. ആറു തരം അരികൾ , മൂന്ന് തരം ജീരകം, ഉലുവ, ശതകുപ്പ,അയമോദകം,നന്നാരി,പാർവള്ളി, തേററാമ്പരൽ, കക്കിൻ കായ, ഏലം, ഇലവംഗം, ഗ്രാമ്പൂ, പച്ചില,നാഗപൂ,തുടങ്ങി അറുപതോളം മരുന്നുകൾ ചേർത്ത് തയ്യാറാക്കിയ ഔഷധ കഞ്ഞിയും,ചേമ്പില, ചേനയില, മഷിത്തണ്ട് ചിക്കൂർ മാനീസ് വേലിച്ചീര, ആനത്തുവ ചായ മൻസ,മത്ത ഇല,പൊന്നാംകണ്ണി, പൊന്നാങ്കണ്ണിനാടൻ നീല ലോഹിത ചീര, കുറ്റി ചീര, നാടൻ ചീര, നെയ്യ് കുളന്ത്, മൾബറിയില,മുളകിന്റെ ഇല,ഉണ്ടായ പുല്ല് ,കുമ്പളയില പയർ ഇല,തഴുതാമ ,നാടൻ ചുവന്നചീര,കോവയില,മുരിങ്ങയല കറിവേപ്പില,സാമ്പാർ ചീര എന്നിങ്ങിനെ 25 ഇലകൾ കൊണ്ട് തയ്യാറാക്കിയ ഉപ്പേരിയും, കപ്പ, പപ്പടം ചുട്ടത്,ചമ്മന്തി, ചക്ക- ചെറുപയർ തോരൻ തുടങ്ങി അംഗങ്ങൾ തയ്യാറാക്കിയ വിവിധങ്ങളായ വിഭവങ്ങളാൽ സമൃദമായിരുന്നു.
എം എം സുബൈദയും ടീമും അവതരിപ്പിച്ച പ്രാർത്ഥന ഗീതവും,എഴുത്തുകാരൻ എം ടി അലി ആരംഭം കുറിച്ച കൊയ്ത്തു പാട്ടുകളും നാടൻ പാട്ടുകളും ഉണ്ടായിരുന്നു.ജൂലൈ – ഡിസംബർ വരെയുളള പ്രവർത്തന കലണ്ടർ, എവർഗ്രീൻ സമിതി ഉപാധ്യക്ഷൻ, മോഹനൻ പാക്കത്ത് അവതരിപ്പിച്ചു.പി കോയക്കുട്ടിമാസ്റ്റർ, സി വി മുഹമ്മദ് നവാസ്, ടി മുനീറ, എസ് ലത ടീച്ചർ, പി ശ്രീരാമനുണ്ണി മാസ്റ്റർ, എം ടി നജീബ്, ആരിഫ പി, ഷീജ കെ തുടങ്ങിയവർ സംബന്ധിച്ചു.കാട്ടിൽ മുഹമ്മദ് കുട്ടി സ്വാഗതവും, റാഫിന ശിഹാബ് നന്ദിയും പറഞ്ഞു.
