മുസ്‌ലിം ലീഗ് അവാർഡ് വിതരണവും ബോധവത്കരണ ക്ലാസും നടത്തി

എരമംഗലം:മുസ്‌ലിം ലീഗ് പാലപ്പെട്ടി മേഖലാ കമ്മിറ്റിയും പാലപ്പെട്ടി ഗ്ലോബൽ കെ.എം.സി.സിയും ചേർന്നു ‘ക്രൗൺ ഓഫ് എക്സലൻസ് 2026’ അവാർഡ് വിതരണവും ബോധവത്കരണ ക്ലാസും നടത്തി.പാലപ്പെട്ടി മെഹ്ഫിൽ ഓഡിറ്റോറിയത്തിൽ നടന്ന അവാർഡ് വിതരണവും ബോധവത്കരണ ക്ലാസും മുസ്‌ലിം യൂത്ത് ലീഗ് ദേശീയ ഓർഗനൈസിങ് സെക്രട്ടറി അഡ്വ.ഷിബു മീരാൻ ഉദ്ഘാടനം ചെയ്തു.ഗ്ലോബൽ കെ.എം.സി.സി. മുൻ പ്രസിഡന്റ് ടി.കെ. മൊയ്തുണ്ണി അധ്യക്ഷനായി.എസ്.എസ്.എൽ.സി.,പ്ലസ് ടു, മദ്രസ പൊതുപരീക്ഷ തുടങ്ങിയ മത്സര പരീക്ഷകളിൽ ഉന്നത വിജയികളായ വിദ്യാർഥികൾക്ക് ക്രൗൺ ഓഫ് എക്സലൻസ് 2026 അവർഡ് വിതരണവും അശോകപുരം നാരായണൻ സ്മാരക പ്രഥമ സംസ്ഥാന മാധ്യമ പുരസ്‌കാരം നേടിയ ഫാറൂഖ് വെളിയങ്കോടിനെ ചടങ്ങിൽ ആദരിക്കുകയും ചെയ്തു. പൊന്നാനി കോസ്റ്റൽ പൊലീസ് ഇൻസ്പെക്ടർ എം. റുബീന ബോധവത്കരണ ക്ലാസിന് നേതൃത്വം നൽകി. പെരുമ്പടപ്പ് ബ്ലോക്ക് പഞ്ചായത്ത് സ്ഥിരംസമിതി അധ്യക്ഷൻ ഇ.കെ. ഇസ്മായിൽ,പഞ്ചായത്ത്‌ സ്ഥിരംസമിതി അധ്യക്ഷൻ അഷ്‌റഫ്‌ ആലുങ്ങൽ,പഞ്ചായത്തംഗം കോയ തെക്കേപ്പുറത്ത്,എ.എം. അലി മൗലവി,സി.എം.അബു,മുസ്‌ലിം ലീഗ് പാലപ്പെട്ടി മേഖലാ സെക്രട്ടറി കെ.എം.നൂറുദ്ദീൻ,യൂത്ത് ലീഗ് പഞ്ചായത്ത് പ്രസിഡന്റ് അസ്‌ലം,നജീബ്,യാസിർ അബ്ദുല്ല എന്നിവർ പ്രസംഗിച്ചു