ബ്ലഡ് ഡോണേഴ്സ് കേരള (ബി.ഡി.കെ) സ്ഥാപകനും മുൻ സംസ്ഥാന പ്രസിഡന്റുമായിരുന്ന വിനോദ് ഭാസ്കറിന്റെ ഒന്നാം ചരമവാർഷികത്തോടനുബന്ധിച്ച് ചങ്ങരംകുളത്ത് സന്നദ്ധ രക്തദാന ക്യാമ്പ് സംഘടിപ്പിച്ചു.വിന്നേഴ്സ് ആർട്സ് ആൻഡ് സ്പോർട്സ് ക്ലബ് ആമയവും ബി.ഡി.കെ പൊന്നാനി താലൂക്ക് കമ്മിറ്റിയും സംയുക്തമായി വിന്നേഴ്സ് ക്ലബ് പരിസരത്ത് സംഘടിപ്പിച്ച ക്യാമ്പിന് പെരിന്തൽമണ്ണ ഗവ. ബ്ലഡ് സെന്റർ സഹകരണം നൽകി.ജൂലൈ 14-ന് നടന്ന ക്യാമ്പിൽ 70 പേർ പങ്കെടുത്തു. ഇതിൽ 20 പേർ ആദ്യമായാണ് രക്തദാനം നടത്തിയത്. മൂന്ന് വനിതകൾ ഉൾപ്പെടെ ആകെ 47 പേർ ക്യാമ്പിൽ രക്തം ദാനം ചെയ്തു.
കഴിഞ്ഞ വർഷം ജൂലൈ 14-ന് അന്തരിച്ച ബി.ഡി.കെ സ്ഥാപകനും മുൻ സംസ്ഥാന പ്രസിഡന്റുമായിരുന്ന വിനോദ് ഭാസ്കറിന്റെ സ്മരണാർഥം സംസ്ഥാന വ്യാപകമായി ബി.ഡി.കെ പ്രവർത്തകർ സംഘടിപ്പിക്കുന്ന രക്തദാന ക്യാമ്പയിനുകളുടെ ഭാഗമായാണ് മലപ്പുറം ജില്ലാ കമ്മിറ്റിയുടെ നേതൃത്വത്തിൽ ചങ്ങരംകുളത്ത് ക്യാമ്പ് സംഘടിപ്പിച്ചത്.
വിന്നേഴ്സ് ആർട്സ് ആൻഡ് സ്പോർട്സ് ക്ലബ്ബ് ഭാരവാഹികൾ, ബി.ഡി.കെ ജില്ലാ, താലൂക്ക് കമ്മിറ്റി ഭാരവാഹികൾ, എയ്ഞ്ചൽസ് വിംഗ് അംഗങ്ങൾ എന്നിവർ ക്യാമ്പിന് നേതൃത്വം നൽകി.
രക്തദാനം നിർവഹിച്ച മുഴുവൻ ദാതികളെയും ബി.ഡി.കെ ഭാരവാഹികൾ അഭിനന്ദിച്ചു. ക്യാമ്പിന്റെ മികച്ച സംഘാടനത്തിനുള്ള അംഗീകാരമായി ബി.ഡി.കെ പൊന്നാനി താലൂക്ക് കമ്മിറ്റിയും പെരിന്തൽമണ്ണ ഗവ. ബ്ലഡ് സെന്ററും ചേർന്ന് വിന്നേഴ്സ് ആർട്സ് ആൻഡ് സ്പോർട്സ് ക്ലബ്ബിനെ ഉപഹാരം നൽകി ആദരിച്ചു.
