പാവിട്ടപ്പുറം അസ്സബാഹ്ഹയർ സെക്കൻഡറി സ്കൂളിൽ ഹോപ്പ് – നന്മയുടെ കൈത്താങ്ങ് എന്ന പദ്ധതിക്ക് തുടക്കമായി

ചങ്ങരംകുളം:പാവിട്ടപ്പുറം അസ്സബാഹ്ഹയർ സെക്കൻഡറി സ്കൂളിൽ ഹോപ്പ് – നന്മയുടെ കൈത്താങ്ങ് എന്ന പദ്ധതിക്ക് തുടക്കമായി.സാമ്പത്തിക ബുദ്ധിമുട്ട് അനുഭവിക്കുന്ന കുട്ടികളെ സഹായിക്കാനാണ് പദ്ധതി നടപ്പാക്കുന്നത്.പ്ലസ് വൺ പ്രവേശനോത്സവത്തോടനുബന്ധിച്ച് സ്‌കൂളിൽ നടന്ന ചടങ്ങിൽ ആലംകോട് പഞ്ചായത്ത് പ്രസിഡണ്ട് ആസിയ ഇബ്രാഹിം പദ്ധതി ഉദ്ഘാടനം ചെയ്തു.പ്രിൻസിപ്പാൾ പിവി വില്ലിങ്ടൺ അധ്യക്ഷനായി . സ്റ്റാഫ്‌ സെക്രട്ടറി അനിൽ കെ സ്വാഗതം പറഞ്ഞു.സൗഹൃദ ക്ലബ്ബിൻ്റെ നേതൃത്വത്തിൽ മക്കളെ അറിയാൻ എന്ന വിഷയത്തിൽ കരിയർ ഗൈഡ് സ്റ്റേറ്റ് ഫാക്കൽറ്റി അബ്‌ദുൾ ലത്തീഫ് സി.എം രക്ഷിതാക്കൾക്ക് ക്ലാസെടുത്തു .സ്കൂൾ റേഞ്ചർ യൂണിറ്റും നാഷണൽ സർവ്വീസ് സ്‌കീം യൂണിറ്റും നവാഗതർക്ക് മധുരത്തോടൊപ്പം പച്ചക്കറി വിത്തുകളും സ്വന്തമായി തയ്യാറാക്കിയ ആശംസാ കാർഡുകളും പേനകളും നൽകിയാണ് വിദ്യാർത്ഥികളെ വരവേറ്റത്.റെയ്ഞ്ചർ ലീഡർ സുവിത ക പ്രോഗ്രാം ഓഫീസർ സജ്‌ന എസ് സൗഹൃദ കോഡിനേറ്റർ റംല കെ എന്നിവർ പരിപാടികൾക്ക് നേതൃത്വം നൽകി. പിടി എ പ്രസിഡണ്ട് മുഹമ്മദ് മുസ്തഫ,അസ്സബാഹ്സെക്രട്ടറി ഹമീദ് മാസ്റ്റർ, ട്രസ്റ്റ് അംഗംഇ വി ബഷീർ ,അധ്യാപകരായ പ്രിയ കെ, തൻസീർ എന്നിവർ സംസാരിച്ചു.കെ. എം സുരേഷ ബാബു നന്ദി പറഞ്ഞു.