ചങ്ങരംകുളം സാംസ്കാരിക സമിതി ഗ്രന്ഥശാലയുടെ ആഭിമുഖ്യത്തിൽ വായനാ പക്ഷാചരണത്തിൻ്റെ ഭാഗമായി യുപി,എച്ച്എസ് വിഭാഗങ്ങൾക്കു വേണ്ടി വൈക്കം മുഹമ്മദ് ബഷീർ ക്വിസ് മത്സരം സംഘടിപ്പിച്ചു.വിവിധ സ്കൂളുകളിൽ നിന്നായി 32 വിദ്യാർത്ഥികൾ പങ്കെടുത്തു.ആവേശകരമായി നടന്ന ക്വിസ് മത്സരത്തിൽ മൂക്കുതല ഹൈസ്കൂളിലെ കൃഷ്ണ സജീഷ് ഒന്നാം സ്ഥാനവും മമ്മിയൂര് ദേവിതീര്ത്ഥ സ്കൂളിലെ ഹമ്ന ഷസിൻ രണ്ടാം സ്ഥാനവും കക്കിടിപ്പുറം കെവിയുപി സ്കൂളിലെ വിദ്യാര്ത്ഥി മൂന്നാം സ്ഥാനവും നേടി.
ഒന്നും രണ്ടും മൂന്നും സ്ഥാനം ലഭിച്ചവർക്ക് ക്യാഷ് പ്രൈസ്,പുസ്തകം എന്നിവ സമ്മാനിച്ചു.മികച്ച പ്രകടനം കാഴ്ച വെച്ച കുറച്ചു കുട്ടികൾക്ക് പുസ്തകങ്ങൾ സമ്മാനമായി നൽകി.പങ്കെടുത്ത എല്ലാ വിദ്യാർത്ഥികൾക്കും സാക്ഷ്യപത്രം നല്കുകയും ചെയ്തു.ഗ്രന്ഥശാലാ പ്രസിഡൻ്റ് പി.കെ. രാജൻ അദ്ധ്യക്ഷത വഹിച്ച ചടങ്ങിൽ സെക്രട്ടറി പന്താവൂർ കൃഷ്ണൻ നമ്പൂതിരി സ്വാഗതം പറഞ്ഞു.പി.ബി. ഷീല ടീച്ചർ പരിപാടി ഉദ്ഘാടനം ചെയ്തു.സോമൻ ചെമ്പ്രേത്ത്, കെ.പി. തുളസി എന്നിവർ ചേർന്നാണ് ബഷീർ ക്വിസ് നയിച്ചത്.എ.പി. ശ്രീധരൻ മാസ്റ്റർ,കെ.വി.ശശീന്ദ്രൻ,കെ.കെ.ലക്ഷ്മണൻ മാസ്റ്റർ,മണികണ്ഠൻ വേളയാട്ട് എന്നിവർ ആശംസകൾ നേർന്നു സംസാരിച്ചു.ഗ്രന്ഥശാലാ ലൈബ്രേറിയൻ വി.പി. നസീർ നന്ദി പ്രകാശനം നടത്തി.
