വായനാ പക്ഷാചരണത്തിൻ്റെ ഭാഗമായി പുസ്തക ചർച്ചയും ഒ.എൻ.വി.അനുസ്മരണവും സംഗീത സന്ധ്യയും നടന്നു

വായനാ പക്ഷാചരണത്തിൻ്റെ ഭാഗമായി ചങ്ങരംകുളം സാംസ്കാരിക സമിതി ഗ്രന്ഥശാലയുടെ ആഭിമുഖ്യത്തിൽ ഷിനിലാൽ എഴുതിയ “സമ്പർക്ക ക്രാന്തി”പുസ്തക ചർച്ചയും ഒ.എൻ.വി. അനുസ്മരണവും സംഗീത സന്ധ്യയും നടന്നു.വൈകീട്ട് 4 മണി മുതൽ ഗ്രന്ഥശാലാ ഹാളിൽ വെച്ച് സാംസ്കാരിക പ്രവർത്തകൻ സി. ഹരിദാസൻ മാസ്റ്റർ പരിപാടിയുടെ ഉദ്ഘാടന കർമ്മം നിർവ്വഹിച്ചു.സാഹിത്യകാരൻ സോമൻ ചെമ്പ്രേത്ത് പുസ്തകത്തെ കുറിച്ച് ആമുഖ പ്രഭാഷണം നടത്തി സംസാരിച്ചു.ഗ്രന്ധശാലാ വൈസ് പ്രസിഡൻ്റ് കെ.പി.തുളസി അദ്ധ്യക്ഷത വഹിച്ച ചടങ്ങിൽ സെക്രട്ടറി പന്താവൂർ കൃഷ്ണൻ നമ്പൂതിരി സ്വാഗത പ്രസംഗം നടത്തി.പി.എസ്. മനോഹരൻ, എം.വി. രവീന്ദ്രൻ, ഏ.എം. ഫാറൂഖ് എന്നിവർ ചർച്ചയിൽ പങ്കെടുത്തു സംസാരിച്ചു.തുടർന്ന്, പിപി രാജൻ്റെ നേതൃത്വത്തിൽ വളയംകുളം സ്റ്റാർ വോയ്സ് മ്യൂസിക് ബാൻഡ് അവതരിപ്പിച്ച ഒ.എൻ.വി.ഗാനാലാപനത്തിൽ സുനിൽ,രചന,ഫാസിൽ, മുജീബ്, പ്രതീജ, കബീർ, നസീർ,ആമിനനഷ എന്നിവർ മധുരമുള്ള ഒരുപിടി ഗാനങ്ങൾ ആലപിച്ചുകൊണ്ട് പരിപാടി കളറുറ്റതാക്കി.കൂടാതെ, ഉദയ് ശങ്കർ, ദിവാകരൻ, കെ.കെ. പ്രതീഷ്, ബാല ജഗേഷ് എന്നിവരും ഗാനാലാപനം നടത്തി.ഗ്രന്ഥശാലാ മുൻ പ്രസിഡൻ്റും പ്രവർത്തക സമിതി അംഗവുമായ എം.എം. ബഷീർ നന്ദി പ്രകാശനം നടത്തി.സംഗീത സന്ധ്യ അവതരിപ്പിച്ച വളയംകുളം സ്റ്റാർ വോയ്സ് മ്യൂസിക് ബാൻഡ് ടീമിനെ ചടങ്ങില്‍ ആദരിച്ചു