ചാലിശ്ശേരി ഗ്രാമീണ വായനശാലയുടെ നേതൃത്വത്തിൽ എന്റെ ഓണപ്പൂക്കളം, എന്റെ പൂക്കളായി പദ്ധതിക്ക് തുടക്കമായി

ചാലിശ്ശേരി ഗ്രാമീണ വായനശാലയുടെ നേതൃത്വത്തിൽ എന്റെ ഓണപ്പൂക്കളം, എന്റെ പൂക്കളായി പദ്ധതിക്ക് തുടക്കമായി.ഓണപ്പൂക്കളത്തിന് അന്യസംസ്ഥാനങ്ങളിൽ നിന്നുള്ള പൂക്കളെ ആശ്രയിക്കാതെ സ്വന്തം മുറ്റത്ത് വിരിയുന്ന ചെണ്ടുമല്ലിപ്പൂക്കൾകൊണ്ട് പൂക്കളം ഒരുക്കണമെന്ന സന്ദേശവുമായാണ്
സൗജന്യ ചെണ്ടുമല്ലി തൈകൾ വിതരണം നടത്തിയത്.കേരള മീഡിയാ പേഴ്സൺസ് യൂണിയൻ സംസ്ഥാന സമിതി അംഗവും മാധ്യമപ്രവർത്തകനുമായ എ.സി. ഗീവർ ചാലിശ്ശേരി സൗജന്യ തൈ വിതരണം ഉദ്ഘാടനം ചെയ്തു.വായനശാലകൾ നല്ല ആശയങ്ങൾ വിതയ്ക്കുകയും സമൂഹത്തിൽ പ്രകൃതിസ്നേഹവും സാമൂഹികബോധവും വളർത്തുകയും ചെയ്യുന്ന സാംസ്കാരിക കേന്ദ്രങ്ങളായി മാറണമെന്നും അദ്ദേഹം പറഞ്ഞു.ചാലിശ്ശേരി ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ആനി വിനു അധ്യക്ഷത വഹിച്ചു.ചടങ്ങിൽ കെ.എം.പി.യു. പാലക്കാട് ജില്ലാ സെക്രട്ടറി കെ.ജി. സണ്ണി, വായനശാല പ്രസിഡന്റ് ബാബു പി. ജോർജ്, സെക്രട്ടറി ഡോ. പ്രദീപ് ജേക്കബ്, ട്രഷറർ പി.എസ്. വിനു, ലൈബ്രേറിയൻ ചെറി, പ്രോഗ്രാം കോർഡിനേറ്റർ സി.കെ. സന്ദീപ് എന്നിവർ സംസാരിച്ചു.ബാലവേദി പ്രവർത്തകരും ,നാട്ടുകരും ചടങ്ങിൽ പങ്കെടുത്തു