വിജയികളെ ചേര്‍ത്ത് പിടിച്ച് ആലംകോട് ഗ്രാമപഞ്ചായത്ത് പ്രതിഭാസംഗമം

ചങ്ങരംകുളം:ആലംകോട് ഗ്രാമപഞ്ചായത്ത് പ്രതിഭാസംഗമവും കരിയര്‍ ഗൈഡന്‍സും സംഘടിപ്പിച്ചു.ചങ്ങരംകുളം ഷൈന്‍ ഓഡിറ്റോറിയത്തില്‍ നടന്നപരിപാടിയില്‍ ആലംകോട് പഞ്ചായത്തില്‍ നിന്ന് വിവിധ പരീക്ഷകളില്‍ ഉന്നത വിജയം കരസ്ഥമാക്കിയ വിദ്യാര്‍ത്ഥികളെ പുരസ്കാരം നല്‍കി അനുമോദിച്ചു.മുഹമ്മദ് ഷെഫീര്‍,യഹിയ ആമയം എന്നിവര്‍ വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി കരിയര്‍ ഗൈഡന്‍സ് ക്ളാസ് എടുത്തു.പ്രതിഭാസംഗമം പൊന്നാനി എംഎല്‍എ കെപി നൗഷാദലി ഉദ്ഘാടനം ചെയ്തു.ആലംകോട് പഞ്ചായത്ത് പ്രസിഡണ്ട് ആസിയ ഇബ്രാഹിം അധ്യക്ഷത വഹിച്ചു.ഫൗസിയ കെവി ലഹരി വിരുദ്ധ പ്രതിജ്ഞ ചൊല്ലി കൊടുത്തു.വൈസ് പ്രസിഡണ്ട് സുബൈര്‍ ഉദിനുപറമ്പ് ,പഞ്ചായത്ത് സ്റ്റാന്റിങ് കമ്മിറ്റി ഫവാസ് മാളിയേക്കല്‍,ശാരിക മുരളീധരന്‍,ഫാത്തിമ്മ ലത്തീഫ്,സിദ്ധീക്ക് പന്താവൂര്‍,ഷാനവാസ് വട്ടത്തൂര്‍,പിടി അബ്ദുല്‍ ഖാദര്‍,അടാട്ട് വാസുദേവന്‍,പി വിജയന്‍,ടി മാധവന്‍,കൃഷ്ണന്‍ പാവിട്ടപ്പുറം തുടങ്ങിയവര്‍ ആശംസകള്‍ നേര്‍ന്ന് സംസാരിച്ചു.മറ്റു ജനപ്രതിനിധികളും രാഷ്ട്രീയ സാമൂഹ്യ രംഗത്തെ പ്രമുഖരും ചടങ്ങില്‍ പങ്കെടുത്തു.