കോഴിക്കോട് കൊടുവള്ളിയില് സ്വത്തു തര്ക്കത്തെ തുടര്ന്ന് സഹോദരനെ വെട്ടിക്കൊലപ്പെടുത്തി. കൊടുവള്ളി വലിയപറമ്പ് സ്വദേശിയായ പ്രസാദ് ആണ് കൊല്ലപ്പെട്ടത്. സംഭവത്തില് സഹോദരന് പ്രമോദിനെ പോലീസ് കസ്റ്റഡിയിലെടുത്തു
ശനിയാഴ്ച രാത്രി 10.30 ഓടെയായിരുന്നു കൊലപാതകം. .ഇരുവരും ഒരേ വീട്ടിലായിരുന്നു താമസം. സ്വത്തു സംബന്ധിച്ച് കൊല്ലപ്പെട്ട പ്രസാദും പ്രമോദും തമ്മില് ദീര്ഘനാളായി തര്ക്കം നിലനിന്നിരുന്നു. ഇത് സംബന്ധിച്ച് ഇവര് കോടതിയെ സമീപിക്കുകയും ഉത്തരവ് നിലനില്ക്കുകയും ചെയ്തിരുന്നുവെങ്കിലും തര്ക്കങ്ങള് പരിഹരിക്കപ്പെട്ടിരുന്നില്ല. ഇന്നലെ രാത്രി മദ്യപാനത്തെ തുടര്ന്നുണ്ടായ വാക്കേറ്റമാണ്
കൊലപാതകത്തിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം
