സെനഗലിനെതിരെ ബെല്ജിയത്തിന് നാടകീയ ജയം.എക്സ്ട്രാ ടൈമിലാണ് ബെല്ജിയം വിജയ ഗോള് നേടിയത്. രണ്ട് ഗോളിന് പിന്നിലായ ശേഷമാണ് നാടകീയ തിരിച്ചുവരവ്.രണ്ടിനെതിരെ മൂന്നുഗോളുകള്ക്കാണ് ബെല്ജിയത്തിന്റെ ജയം
എക്സ്ട്രാ ടൈമിന്റെ അവസാനം ലഭിച്ച പെനാലിറ്റി ലക്ഷ്യത്തിലെത്തിച്ചത് യൂറി ടിലിസ്മാനാണ്. ജയത്തോടെ ബെല്ജിയത്തിന് പ്രീ ക്വാര്ട്ടര് സാധ്യത ഉറപ്പിക്കാനായി. 2018ലെ ചരിത്രം ബെല്ജിയം ആവര്ത്തിക്കുകയാണ്. അന്നത്തെ ലോകകപ്പ് നോക്കൗട്ട് റൗണ്ടില് ഇതുപോലെ രണ്ട് ഗോളുകള്ക്ക് പിന്നില് നിന്ന ബെല്ജിയം ഇതുപോലെ നാടകീയമായി തന്നെ ജപ്പാനെ 3-2ന് തകര്ക്കുകയായിരുന്നു. ആ ക്ലൈമാക്സ് പഞ്ചാണ് ഈ മത്സരവും ഓര്മിപ്പിച്ചത്
ഫിഫ ലോകകപ്പ് നോക്കൌട്ടില് കോംഗോയെ തോല്പ്പിച്ച് ഇംഗ്ലണ്ട് പ്രീക്വാര്ട്ടറില്. ഒന്നിനെതിരെ രണ്ട് ഗോളിനാണ് ഇംഗ്ലണ്ടിന്റെ ജയം
കളി തുടങ്ങി ഏഴാം മിനിറ്റില് തന്നെ ഇംഗ്ലണ്ടിനെതിരെ കോംഗോ ലീഡ് നേടി. ബ്രയാന് സിപ്പെംഗയായിരുന്നു സകോറര്. കിപ്പെംഗയുടെ ആദ്യ ലോകകപ്പ് ഗോളാണിത്. 75ാം മിനിറ്റ് വരെ ഇംഗ്ലണ്ടിന് തിരിച്ചടിക്കാനായില്ല. 75ാം മിനിറ്റില് ക്യാപിറ്റന് ഹൈരി കെയ്ന് ഗോള് മടക്കി. 86 ാം മിനിറ്റില് ഹാരി കെയ്നിന്റെ രണ്ടാം ഗോള് പിറന്നു. ഈ ലോകകപ്പില് അഞ്ച് ഗോളാണ് കെയ്ന് നേടിയത്. അതായത്, 75 മിനിറ്റ് വരെ കോംഗോയുടെ കയ്യിലിരുന്ന മത്സരം തിരികെപ്പിടിക്കാന് ഇംഗ്ലണ്ടിന് വേണ്ടി വന്നത് 10 മിനിറ്റ്
ടീം എപ്പോഴൊക്കെ താഴോട്ട് പോകുന്നോ അപ്പോഴൊക്കെ കൈപിടിച്ചുയര്ത്തേണ്ടത് നായകന്റെ കടമയാണ്. ഒരിക്കല് കൂടി ഇംഗ്ലീഷ് നായകന് ഇത് തെളിയിച്ചു. 1966ലാണ് ഇംഗ്ലണ്ട് ആകെ ലോകകപ്പ് നേടിയിട്ടുള്ളത്. 60 വര്ഷത്തെ ഇടവേളയ്ക്ക് ശേഷമാണ് ശക്തമായ ടീമുമായി കളത്തിലേക്ക് എത്തിയത്.
