വാര്യർമാരാക്കി’ഓപ്പറേഷൻ തൂഫാൻ’ലഹരി വിപത്തിനെതിരെ കക്കടിപ്പുറം അൽഫലാഹ് സ്കൂളിലെ വിദ്യാർഥികള്‍

ചങ്ങരംകുളം: കേരള സർക്കാരിന്റെ ലഹരിവിരുദ്ധ കാമ്പയിനായ ‘ഓപ്പറേഷൻ തൂഫാൻ’ പദ്ധതിക്ക് ഐക്യദാർഢ്യം പ്രഖ്യാപിച്ച് കക്കടിപ്പുറം അൽഫലാഹ് എ. എം. എം. ഇംഗ്ലീഷ് സ്കൂൾ.പദ്ധതിയുടെ ഭാഗമായി സ്കൂളിലെ മുഴുവൻ വിദ്യാർഥികളെയും ‘ഓപ്പറേഷൻ തൂഫാൻ വാര്യർമാരായി’ പ്രഖ്യാപിച്ചു കൊണ്ട് ചങ്ങരംകുളം സബ് ഇൻസ്പെക്ടർ നസിയ എം.സാഹിബ് ലഹരിവിരുദ്ധ സത്യപ്രതിജ്ഞ ചൊല്ലിക്കൊടുത്തു.തുടർന്ന് വിദ്യാർഥികളുടെ കായികക്ഷമതയും ഒത്തൊരുമയും വളർത്തുന്നതിനായി സ്കൂൾ മാനേജ്മെന്റിന്റെയും അധ്യാപകരുടെയും നേതൃത്വത്തിൽ പന്തുവാവൂർ പുസ്കാസ് ടർഫിൽ വച്ച് സംഘടിപ്പിച്ച മിനി ലോകകപ്പ് ഫുട്ബോൾ ടൂർണമെന്റും സബ് ഇൻസ്പെക്ടർ ഉദ്ഘാടനം ചെയ്തു.വിദ്യാർഥികളെ ലഹരിയുടെ വിപത്തുകളിൽ നിന്ന് കായികരംഗത്തേക്ക് നയിക്കാനുള്ള അൽഫലാഹ് സ്കൂളിന്റെ ഈ വേറിട്ട കാൽവെപ്പിനെ ഉദ്ഘാടക പ്രത്യേകം അഭിനന്ദിച്ചു.ചടങ്ങിൽ അൽഫലാഹ് സ്കൂൾ അഡ്മിനിസ്ട്രേറ്റർ ഇബ്രാഹിം മാസ്റ്റർ സ്വാഗതം ആശംസിച്ചു.സ്കൂൾ മാനേജർ മുഹമ്മദ് അഷറഫ് എം, പ്രിൻസിപ്പൽ എം.ഉസ്മാൻ, വൈസ് പ്രിൻസിപ്പൽ പ്രിയ ടി. കെ. എന്നിവർ ലഹരിവിരുദ്ധ സന്ദേശങ്ങൾ നൽകി സംസാരിച്ചു.അൽഫലാഹ് എ. എം. എം. എജുക്കേഷണൽ ട്രസ്റ്റ് ജനറൽ സെക്രട്ടറി ഫാറൂഖ് തലാപ്പിൽ,എം. എസ്. വിഭാഗം ഹെഡ് എ.കെ.കെ മരക്കാർ, സ്റ്റാഫ് സെക്രട്ടറി അസൈനു സി.എ എന്നിവരും ചടങ്ങിന് ആശംസകൾ നേർന്നു.ചടങ്ങിന് ഷാഫി വാഫി നന്ദി പ്രകാശിപ്പിച്ചു.അൽഫലാഹ് സ്കൂളിലെ അധ്യാപകരും വിദ്യാർഥികളും ലഹരിവിരുദ്ധ ബോധവൽക്കരണ പരിപാടിയിലും ടൂർണമെൻ്റിലും പങ്കെടുത്തു.