അമൽ ഇംഗ്ലീഷ് സ്കൂളിൽ വിപുലമായ യോഗാ പ്രദർശന പരിപാടി സംഘടിപ്പിച്ചു.

ചമ്മന്നൂർ:അന്താരാഷ്ട്ര യോഗ ദിനാചരണത്തിന്റെ ഭാഗമായി അമൽ ഇംഗ്ലീഷ് സ്കൂളിൽ വിപുലമായ യോഗാ പ്രദർശന പരിപാടി സംഘടിപ്പിച്ചു. ജൂൺ 22 തിങ്കളാഴ്ച സ്കൂൾ ഓഡിറ്റോറിയത്തിൽ വെച്ചായിരുന്നു പരിപാടി.ആയുഷ്ഗ്രാമം യോഗാ ഡെമോൺസ്ട്രേറ്റർ ശ്രീ. ബൈജു എം.പി. യോഗാ പ്രദർശനങ്ങൾക്ക് നേതൃത്വം നൽകി.അമൽ ഇംഗ്ലീഷ് സ്കൂൾ അഡ്മിനിസ്ട്രേറ്റർ ഡോ. ഹരിദയാൽ കെ.എസ്.പരിപാടിയുടെ ഔദ്യോഗിക ഉദ്ഘാടനം നിർവഹിച്ചു.വിദ്യാർത്ഥികളുടെ സമഗ്രമായ മാനസിക-ശാരീരിക വികസനത്തിനും ആരോഗ്യകരമായ ജീവിതശൈലി വളർത്തിയെടുക്കുന്നതിനും യോഗ ശീലമാക്കേണ്ടതിന്റെ പ്രാധാന്യത്തെക്കുറിച്ച് പ്രിൻസിപ്പൽ അബ്ദുൽ ഗഫൂർ നാലകത്ത് സ്വാഗത പ്രസംഗത്തിൽ പറഞ്ഞു.കെ.ജി തലം മുതൽ പത്താം ക്ലാസ് വരെയുള്ള സ്പോർട്സ് ക്ലബ് അംഗങ്ങളായ വിദ്യാർത്ഥികൾ അതീവ ആവേശത്തോടെയാണ് പരിപാടിയിൽ പങ്കെടുത്തത്.നിത്യജീവിതത്തിൽ ഉപകാരപ്രദമായ വിവിധ യോഗാസനങ്ങൾ വിദ്യാർത്ഥികൾ വേദിയിൽ അവതരിപ്പിച്ചു.ചടങ്ങിൽ കെ.ജി.കോ-ഓർഡിനേറ്റർ മുന മുഹമ്മദ് അലി,കായിക വിഭാഗം മേധാവി സുരേന്ദ്രൻ,മുഹമ്മദ് അസ്ലം എന്നിവർ സന്നിഹിതരായിരുന്നു.പരിപാടിയുടെ വിജയത്തിനായി സഹകരിച്ച എല്ലാവർക്കും സ്പോർട്സ് ക്ലബ്‌ ഇൻ ചാർജ് ദിവ്യ നന്ദി രേഖപ്പെടുത്തി.