‘ഇതിഹാസകാണ്ഡം’ എന്ന പുസ്തകത്തിന്റെ പ്രകാശനവും അനുസ്മരണവും നടത്തി

​എടപ്പാള്‍:യോഗക്ഷേമസഭ ശുകപുരം ഉപസഭയുടെ വനിതാവിഭാഗം തയ്യാറാക്കിയ ‘ഇതിഹാസകാണ്ഡം’ എന്ന പുസ്തകത്തിന്റെ പ്രകാശനവും
അന്തരിച്ച യോഗക്ഷേമ സഭയുടെ മലപ്പുറം ജില്ല വനിതാ വിഭാഗം പ്രസിഡന്റും സംസ്ഥാന കൗൺസിൽ അംഗവുമായിരുന്ന അഡ്വക്കേറ്റ് പി.സി. ഉഷയുടെ അനുസ്മരണവും ശുകപുരിയിൽ വെച്ച് നടന്നു രാമായണത്തിലെ കഥാപാത്രങ്ങളെ പരിചയപ്പെടുത്തുന്നതാണ് ഈ പുസ്തകം.ലേഖ അമേറ്റൂറിന്റെ പ്രാർത്ഥന യോടു കൂടി ചടങ്ങ് ആരംഭിച്ചു.ചടങ്ങിൽ സാംസ്കാരിക രംഗത്തെ പ്രമുഖരും ഉപസഭ അംഗങ്ങളും പങ്കെടുത്തു.യോഗക്ഷേമസഭ മാധ്യമേഖല JRO യും സ്റ്റേറ്റ് കൗൺസിൽ അംഗവും റിട്ടയേഡ് എക്സൈസ് അസിസ്റ്റന്റ് കമ്മീഷണറുമായ ഗിരിജ എടമന പുസ്തകപ്രകാശനകർമം നിർവഹിച്ചു.പുസ്തകത്തിന്റെ ആദ്യപ്രതി നെഡ്ടം ഭവത്രാതൻ മാസ്റ്റർ ഏറ്റുവാങ്ങി. പ്രമുഖ സാഹിത്യകാരനും ഡോക്യൂമെന്ററി മേഖലയിലെ പ്രശസ്തനുമായ റഫീഖ് പട്ടേരി പുസ്തകം പരിചയപ്പെടുത്തി സംസാരിച്ചു.​തുടർന്ന് നടന്ന അനുസ്മരണ ചടങ്ങിൽ വനിതാ വിഭാഗം ജില്ലാ പ്രസിഡന്റ് വത്സല മുല്ലപ്പള്ളി, ഉപസഭാ പ്രസിഡന്റ് ശ്രീരാമനുണ്ണി മാഷ്, സെക്രട്ടറി നിർമല കുറുങ്ങാട്,യോഗക്ഷേമസഭയുടെ മുതിർന്ന അംഗം ഏർക്കര ബ്രഹ്മദത്തൻ നമ്പൂതിരി, ഡോക്ടർ രാജേഷ് കൃഷ്ണൻ, നെഡ്ടം ഭവത്രാതൻ മാസ്റ്റർ, ഉമാദേവി പെരുമ്പള്ളി,ത്രിവിക്രമൻ ചേന്നാസ്, നമിത ചേന്നാസ്,എന്നിവർ പി.സി. ഉഷയുടെ ഓർമ്മകളും അവർ നൽകിയ സംഭാവനകളും പങ്കുവെച്ചു.​ചടങ്ങിൽ ഉപസഭ വനിതാവിഭാഗം പ്രസിഡന്റ് പ്രിയദത്ത അന്തർജനം അധ്യക്ഷത വഹിച്ചു.സെക്രട്ടറി ബിന്ദു അമേറ്റൂർ സ്വാഗതവും സീത കരുവാട് നന്ദിയും രേഖപ്പെടുത്തി.