പൊന്നാനിയുടെ പൈതൃകവും പ്രാമാണിത്വവും തിരിച്ചുപിടിക്കാൻ വേണ്ടതെല്ലാം ചെയ്യും:കെ പി നൗഷാദലി എംഎൽഎ

ചങ്ങരംകുളം :സഹസ്രാബ്ദങ്ങളുടെ ചരിത്ര പാരമ്പര്യമുളള പൊന്നാനി ദേശത്തിൻ്റെ പൈതൃകവും പ്രാമാണിത്വവും തിരിച്ചു പിടിക്കാൻ വേണ്ടതെല്ലാം ചെയ്യുമെന്ന് കെ പി നൗഷാദലി എം എൽ എ പറഞ്ഞു.സമുദ്രതീര തുറമുഖ പശ്ചാത്തലം,സാമൂതിരിയുടെ നാവിക ആസ്ഥാനം,ലോക അറബിക് സാഹിത്യത്തിലെ ക്ലാസിക് ഗ്രന്ഥമായ തുഹ്ഫത്തുൽ മുജാഹിദീൻ രചയിതാവ് ശൈഖ് സൈനുദ്ധീൻ മഖ്ദൂമിനെപ്പോലെയുളള യുഗപ്രഭാവന്മാരുടെ കർമ്മ മണ്ഡലം,തിണ്ടീസ് എന്ന പേരിൽ നൂറ്റാണ്ടുകൾക്ക് മുൻപ് തന്നെ അറിയപ്പെട്ട പൗരാണിക നഗരം എന്നിങ്ങിനെ ഒട്ടേറെ പാരമ്പര്യങ്ങളാൽ നിറഞ്ഞ് നിൽക്കുന്ന
നാടിൻ്റെ ഓർമ്മകൾ നിലനിർത്താനും ലോകോത്തര നിലവാരത്തിലേക്ക് പൊന്നാനിയെ ഉയർത്താനും തിണ്ടീസ് ബിനാലയിലൂടെ സാധിക്കുമെന്നും അതിനായി സർക്കാറിൽ സമ്മർദ്ദം ചെലുത്തി ആവുന്നതെല്ലാം ചെയ്യുമെന്നും അദ്ധേഹം കൂട്ടിച്ചേർത്തു.പൊന്നാനി കൾച്ചറൽ വേൾഡ് ഫൗണ്ടേഷൻ നന്നംമുക്ക് പഞ്ചായത്ത് കമ്മിറ്റി ത്രിതല പഞ്ചായത്ത് ജന പ്രതിനിധികൾക്കായി ഗാലക്സി ഓഡിറ്റോറിയത്തിൽ വെച്ച് നടത്തിയ അനുമോദന സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.സി എസ് പൊന്നാനി മുഖ്യ പ്രഭാഷണം നടത്തി.എ വി മുഹമ്മദലി അധ്യക്ഷത വഹിച്ചു.ഗ്രാമ പഞ്ചായത്ത് പ്രസിഡണ്ട് ശാന്തിനി രവീന്ദ്രൻ, വൈസ് പ്രസിഡണ്ട് മുഹമ്മദലി നരണിപ്പുഴ ,ബ്ലോക്ക് പഞ്ചായത്ത് അംഗങ്ങൾ , ഗ്രാമ പഞ്ചായത്ത് അംഗങ്ങൾ തുടങ്ങിയവരെ ചടങ്ങിൽ അനുമോദിച്ചു.പി കോയക്കുട്ടി മാസ്റ്റർ , അടാട്ട് വാസുദേവൻ മാസ്റ്റർ,എം.പി.അംബിക കുമാരി ടീച്ചർ, പ്രണവം പ്രസാദ് , ആയിഷ ഹസ്സൻ,വി.മുഹമ്മദ്നവാസ്,എം.എ.ലത്തീഫ്,വി.അബ്ദുൽ മജീദ് ,ഷംസീർ മണാളത്ത് തുടങ്ങിയവർ സംസാരിച്ചു.ശഫീഖ് പാണക്കാട്ട് സ്വാഗതവും, പി.സി. പ്രേമദാസൻ നന്ദിയും പറഞ്ഞു.