വളയംകുളം മൂസ മുസ്ലിയാർക്ക് ആദരസംഗമവും സി.എം. യൂസുഫ് അനുസ്മരണവും നടന്നു

ചങ്ങരംകുളം:സമസ്തയുടെ ദീനീ-ദഅവാ പ്രവർത്തനരംഗത്തും കോക്കൂർ റൈഞ്ച് ജംഇയ്യത്തുൽ മുഅല്ലിമീന്റെ പ്രവർത്തനമേഖലയിലും അഞ്ച് പതിറ്റാണ്ടിലേറെയായി നിസ്തുല സേവനം അനുഷ്ഠിച്ച വളയംകുളം മൂസ മുസ്ലിയാരെ ആദരിക്കുന്നതിനായി സംഘടിപ്പിച്ച ആദരസംഗമവും, പള്ളിക്കര മഹല്ല് മുൻ ജനറൽ സെക്രട്ടറിയും സാമൂഹിക, മത, രാഷ്ട്രീയ രംഗങ്ങളിലെ സജീവ പ്രവർത്തകനുമായിരുന്ന സി.എം. യൂസുഫ് അനുസ്മരണ സദസ്സും ശ്രദ്ധേയമായി.വളയംകുളം കെ.വി.എം. ഓഡിറ്റോറിയത്തിൽ നടന്ന ചടങ്ങ് പാണക്കാട് സയ്യിദ് സ്വാദിഖലി ശിഹാബ് തങ്ങൾ ഉദ്ഘാടനം ചെയ്ത് മൂസ മുസ്ലിയാർക്ക് ആദരസമർപ്പണം നടത്തി. ശൈഖുനാ എം.വി. ഇസ്മാഈൽ മുസ്ലിയാർ പ്രാർത്ഥനയ്ക്ക് നേതൃത്വം നൽകി.കോക്കൂർ റൈഞ്ച് ജംഇയ്യത്തുൽ മുഅല്ലിമീൻ പ്രസിഡന്റും സ്വാഗതസംഘം ജനറൽ കൺവീനറുമായ അബ്ദുൽ ഖാദർ ഫൈസി തലക്കശ്ശേരി സ്വാഗതം ആശംസിച്ചു.സ്വാഗതസംഘം ചെയർമാൻ പി.വി. മുഹമ്മദ് മൗലവി അധ്യക്ഷത വഹിച്ചു.ആനമങ്ങാട് മുഹമ്മദ് കുട്ടി ഫൈസി മുഖ്യപ്രഭാഷണം നിർവഹിച്ചു.പൊന്നാനി എം.എൽ.എ കെ.പി. നൗഷാദ് അലി മുഖ്യാതിഥിയായി പങ്കെടുത്തു.സ്വാഗതസംഘം ട്രഷറർ അഷ്റഫ് കോക്കൂർ,ആദരാർഹനായ മൂസ മുസ്ലിയാരെ പരിചയപ്പെടുത്തി സംസാരിച്ചു.ചടങ്ങിൽ നന്നമുക്ക് റൈഞ്ച് പ്രസിഡന്റ് മൊയ്തീൻ മുസ്ലിയാർ ചെറുവല്ലൂർ, സിദ്ധീഖ് പന്താവൂർ, മുഹമ്മദ് അലി അശ്റഫി,റഫീഖ് മൗലവി, മുഫത്തിഷ് ഷിബിലി അൻവരി, റഫീഖ് ഫൈസി തെങ്ങിൽ,പി.പി. യൂസുഫ് അലി, ഷാനവാസ് വട്ടത്തൂർ, സൈദലവി ഹാജി ചിയ്യാനൂർ, ഖാസിം ഫൈസി പൊത്തന്നൂർ, സുലൈമാൻ ദാരിമി കടവല്ലൂർ, റാഫി പെരുമുക്ക്, ഇബ്രാഹീം ബാഖവി, സൈദലവി ദാരിമി, ഷഫീഖ് ആലംകോട്, അനസ് ബാഖവി, അസീസ് മുസ്ലിയാർ വട്ടംകുളം, സലാം മുസ്ലിയാർ, ഇബ്രാഹീം അസ്‌ഹരി, സകരിയ ബദ്‌രി,ഇബ്രാഹീം മൂക്കുതല, മുഹമ്മദ് ഹാജി വട്ടത്തൂർ, എ.ബി. മുഹമ്മദ് മാസ്റ്റർ,മമ്മുട്ടി ഹാജി, നൂറുദ്ദീൻ മൗലവി, സൈനുദ്ദീൻ മൗലവി, ആബിദ് സാബിർ എന്നിവർ സംബന്ധിച്ചു.വളയംകുളം മൂസ മുസ്ലിയാർ ചടങ്ങിൽ ആദരം ഏറ്റുവാങ്ങി.ആർട്ടിസ്റ്റ് മോഹനൻ ഉപഹാരം സമർപ്പിച്ചു.പരിപാടിയോടനുബന്ധിച്ച് നടന്ന മൗലിദ് സദസ്സിന് അബ്ദുൽ റഹ്മാൻ ഫൈസിയും മുബാറക് ദാഈയും നേതൃത്വം നൽകി.