കുരുക്ക് അഴിക്കും’ 24 മുതല്‍ ചങ്ങരംകുളം ടൗണില്‍ ട്രാഫിക് പരിഷ്കാരം’ആലംകോട് ഗ്രാമപഞ്ചായത്ത് ട്രാഫിക്ക് റഗുലേറ്ററി കമ്മിറ്റി യോഗം ചേര്‍ന്നു

ചങ്ങരംകുളം ടൗണിലെ ഗതാഗതകുരുക്ക് ഒഴിവാക്കുന്നതിന്റെ ഭാഗമായി ടാക്സി വാഹനങ്ങളുടെ പാർക്കിംഗ് ഉൾപ്പെടെയുള്ള പ്രായോഗികമായ പരിഷ്കരണങ്ങൾ നടപ്പിലാക്കുന്നതിന് ആലംകോട് ഗ്രാമപഞ്ചായത്ത് ട്രാഫിക്ക് റഗുലേറ്ററി കമ്മിറ്റി യോഗം തീരുമാനിച്ചു.യോഗത്തിൽ ജനപ്രതിനിധികളും മോട്ടോർ വാഹന,പൊതുമരാമത്ത് വകുപ്പ്,പോലീസ് എന്നിവരുടെ പ്രതിനിധികളും,മേട്ടോർവാഹനഉടമകൾ,തൊഴിലാളികൾ,വ്യാപാരികൾ,രാഷ്ട്രീയപാർട്ടി എന്നിവരുടെ പ്രതിനിധികളും പങ്കെടുത്തു.ജൂൺ 24 ബുധനാഴ്ച മുതൽ നടപ്പിലാക്കുന്ന ട്രാഫിക്ക് പരിഷ്കരണങ്ങളുമായി എല്ലാ വിഭാഗം ജനങ്ങളും സഹകരിക്കണമെന്നും നിർദ്ദേശങ്ങൾ പാലിക്കാത്തവർക്കെതിരെ കർശനനടപടികൾ സ്വീകരിക്കുന്നതാണെന്നും അധികൃതർ അറിയിച്ചു.യോഗത്തിൽ പഞ്ചായത്ത് പ്രസിഡണ്ട് ആസിയ ഇബ്രാഹീം അധ്യക്ഷത വഹിച്ചു.വൈസ് പ്രസിഡണ്ട് സുബൈർ ഉദിനുപ്പറമ്പ്,ആസൂത്രണ സമിതി വൈസ് ചെയർമാൻ പി.പി.യൂസഫലി,അംഗങ്ങളായ അടാട്ട് വാസുദേവൻ,ഷാനവാസ് വട്ടത്തൂർ, പി.ഡബ്യു.ഡി അസിസ്റ്റൻ് എൻഞ്ചിനീയർ ഷജിൽ എൻ,ചങ്ങരംകുളം എസ് ഐ ശ്രീലേഷ്,എം വി ഐ സജിൻ തുടങ്ങിയവർ പ്രസംഗിച്ചു.