ചങ്ങരംകുളം:ആലംകോട് പഞ്ചായത്ത് മുസ്ലിം ലീഗ് കമ്മിറ്റി ശാഖ കമ്മിറ്റികളുടെ സഹകരണത്തോടെ ഈ വർഷം സി എച്ഛ് സെന്ററുകൾക്ക് വേണ്ടി സ്വരൂപിച്ച തുക ചങ്ങരംകുളം മേഖല മുസ്ലിം ലീഗ് ഓഫീസിൽ വെച്ചു തിരുവനന്തപുരം, തൃശ്ശൂർ, പൊന്നാനി സി.എച്ഛ് സെന്ററുകളുടെ ഭാരവാഹികൾക്ക് കൈമാറി.കോഴിക്കോട് സി എച്ഛ് സെന്ററിനുള്ള തുക നേരിട്ട് എത്തിച്ചു കൊടുക്കുന്നതാണ്.
തിരുവനന്തപുരം റീജിയണൽ കാൻസർ സെന്ററിൽ ചികിത്സയ്ക്ക് എത്തുന്ന നിർധനരായ രോഗികൾക്ക് സൗജന്യമായി ഭക്ഷണവും, രോഗികൾക്കും കൂട്ടിരിപ്പുകാർക്കും താമസ സൌകര്യവും നൽകി വരുന്ന തിരുവനന്തപുരം സി എച്ഛ് സെന്ററിന് വർഷങ്ങളായി ആലങ്കോട് പഞ്ചായത്ത് മുസ്ലിം ലീഗ് കമ്മിറ്റി ഫണ്ട് നൽകി വരുന്നുണ്ട്.തൃശ്ശൂർ മെഡിക്കൽ കോളേജിനടുത്ത് പണി പൂർത്തീകരിച്ച് ഈ മാസാവസാനത്തോടെ ഉദ്ഘാടനം ചെയ്യപ്പെടുന്ന തൃശ്ശൂർ സി എച്ച് സെന്ററിനും, പൊന്നാനി താലൂക്ക് ആശുപത്രിക്ക് സമീപം കഴിഞ്ഞ വർഷം പ്രവർത്തനമാരംഭിച്ച പൊന്നാനി സി എച്ഛ് സെന്ററിനും യോഗത്തിൽ വെച്ചു ഫണ്ട് കൈമാറി.പൊന്നാനി മണ്ഡലം മുസ്ലിം ലീഗ് പ്രസിഡണ്ട് പി പി യൂസഫലി യോഗം ഉദ്ഘാടനം ചെയ്തു. ചങ്ങരംകുളം മേഖല ജനറൽ സെക്രട്ടറി ഷാനവാസ് വട്ടത്തൂർ അധ്യക്ഷത വഹിച്ചു. മണ്ഡലം ജനറൽ സെക്രട്ടറി സി എം യൂസഫ്, തൃശ്ശൂർ സി എച്ഛ് സെന്റർ ജനറൽ സെക്രട്ടറി പി കെ ഷാഹുൽ ഹമീദ്, ദുബായ് കെ എം സി സി ത്രിശൂർ ജില്ലാ പ്രസിഡന്റ് ജമാൽ മനയിൽ, തിരുവനന്തപുരം സി എച്ഛ് സെന്റർ എക്സിക്യൂട്ടീവ് മെമ്പർ അസീസ് വേങ്ങര, മാനേജർ ഫത്താഹ്, പൊന്നാനി സി എച്ഛ് സെന്റർ പ്രസിഡണ്ട് സൈദു ഹാജി,ജനറൽ സെക്രട്ടറി കെ ടി ഹംസ, പഞ്ചായത്ത് മുസ്ലിം ലീഗ് ട്രെഷറർ ഉസ്മാൻ പെരുമുക്ക്,സെക്രട്ടറി അഹമ്മദുണ്ണി കാളാച്ചാൽ, യൂത്ത് ലീഗ് ജനറൽ സെക്രട്ടറി അൽത്താഫ് എന്നിവർ പ്രസംഗിച്ചു.പഞ്ചായത്ത് മുസ്ലിം ലീഗ് ജനറൽ സെക്രട്ടറി ഉമ്മർ തലാപ്പിൽ സ്വാഗതവും വൈസ് പ്രസിഡന്റ് ഹമീദ് ചിയ്യാനൂർ നന്ദിയും പറഞ്ഞു.
