അന്തരീക്ഷ താപനില ഉയര്ന്ന സാഹചര്യത്തില് സംസ്ഥാനത്തെ അങ്കണവാടികളിലെ പ്രീ സ്കൂള് പ്രവര്ത്തനം ഒരാഴ്ചത്തേയ്ക്ക് നിര്ത്തിവയ്ക്കാന് വനിത ശിശുവികസന വകുപ്പ് തീരുമാനിച്ചു. കഠിനമായ ചൂടിന്റെ പശ്ചാത്തലത്തില് ഡിസാസ്റ്റര് മാനേജ്മെന്റ് അതോറിറ്റിയുടെ സുരക്ഷാ മുന്നറിയിപ്പിനെത്തുടര്ന്നും ആരോഗ്യ വകുപ്പിന്റെ ജാഗ്രതാ നിര്ദേശത്തെത്തുടര്ന്നുമാണ് നടപടി. അങ്കണവാടികളുടെ മറ്റ് പ്രവര്ത്തനങ്ങള് പതിവ് പോലെ നടക്കും. ഈ കാലയളവില് കുട്ടികള്ക്ക് നല്കേണ്ട സപ്ലിമെന്ററി ന്യൂട്രീഷ്യന് വീടുകളിലെത്തിക്കും .
പാലക്കാട്, തൃശൂർ, കൊല്ലം ജില്ലകളിൽ ഉയർന്ന ഉഷ്ണതരംഗ മുന്നറിയിപ്പാണുള്ളത്. ഉയർന്ന താപനില മുന്നറിയിപ്പിന്റെ പശ്ചാത്തലത്തിൽ കൊല്ലം ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ ജില്ലാ കളക്ടർ അവധി നൽകി. പ്രൊഫഷണൽ കോളജുകൾക്കും അവധി ബാധകമാണ്. സുരക്ഷാ നിർദേശങ്ങൾ കർശനമായി പാലിക്കണമെന്ന് മുഖ്യമന്ത്രി പിണറായി വിജയൻ നിർദേശം നൽകി. സംസ്ഥാനത്ത് കൊടുംചൂട് തുടരുന്നതിനിടെ കണ്ണൂരിൽ സൂര്യാഘാതമേറ്റ് യുവാവ് മരിച്ചു. പള്ളിപ്പൊയിൽ സ്വദേശി എം വി സനൽ കുമാർ ആണ് മരിച്ചത്. നാല് പേർക്ക് സൂര്യാതപമേറ്റു
