പിടി അജയ് മോഹന്‍ എരമംഗലത്തും,ലീലാകൃഷ്ണന്‍ ആലംകോടും വോട്ട് ചെയ്യാനെത്തി

ചങ്ങരംകുളം:തെരെഞ്ഞെടുപ്പ് തിരക്കിനിടയില്‍ പ്രമുഖ സ്ഥാനാര്‍ത്ഥികളും നേതാക്കളും വോട്ട് ചെയ്യാനെത്തി.കുന്നംകുളം മണ്ഡലത്തിലെ യുഡിഎഫ് സ്ഥാനാര്‍ത്ഥി പിടി അജയ്മോഹന്‍ 10 മണിയോടെ എരമംഗലം എ എൽ പി സ്കൂളിൽ 214 ബൂത്തിൽ വോട്ട് ചെയ്തു.തൃശ്ശൂരിലെ എല്‍ഡിഎഫ് സ്ഥാനാര്‍ത്ഥി ആലംകോട് ലീലാകൃഷ്ണന്‍ കാലത്ത് 8 മണിയോടെ ആലംകോട് ജനത സ്കൂളില്‍ ബൂത്ത് നമ്പര്‍ 118ല്‍ വോട്ട് ചെയ്യാനെത്തി.പൊന്നാനി എംഎല്‍എ പി നന്ദകുമാര്‍ കാലത്ത് 11 മണിയോടെ ആലംകോട് ഷെഫീഖുല്‍ ഇസ്ലാം സെക്കണ്ടറി മദ്രസയില്‍ ബൂത്ത് നമ്പര്‍ 114ല്‍ വോട്ട് ചെയ്യാനെത്തി.നടന്‍ ലുക്മാന്‍ ഉദിനുപറമ്പില്‍ മുര്‍ഷിദുല്‍ അനാം മദ്രസയില്‍ ബൂത്ത് നമ്പര്‍ 115ല്‍ കാലത്ത് 11.30 ഓടെ വോട്ട് രേഖപ്പെടുത്തി.ജില്ലാ യുഡിഎഫ് കൺവീനർ അഷ്റഫ് കോക്കൂരും ഭാര്യ ഹാജറയും കോക്കൂർ ഗവ: ഹയർ സെക്കൻഡറി സ്കൂളിൽ നിന്ന് വോട്ട് ചെയ്തു.ബി ജെ പി പാലക്കാട് മേഖല ജനറൽ സെക്രട്ടറി കെ.കെ.സുരേന്ദ്രൻ ഗവണ്‍മെന്റ് മാപ്പിള ലോവർ പ്രൈമറി സ്‌കൂൾ വടക്കുമുറിയിൽ നിന്ന് വോട്ട് ചെയ്തു.