ചാലിശ്ശേരി മുലയംപറമ്പത്തുകാവ് പൂരം: ആഘോഷ കമ്മിറ്റികൾക്ക് രജിസ്റ്റർ നിർബദ്ധം

ചാലിശ്ശേരി: മാർച്ച് ഒന്നിന് നടക്കുന്ന ചാലിശ്ശേരി മുലയംപറമ്പത്ത് ഭഗവതിക്ഷേത്രത്തിലെ പൂരാഘോഷം നടത്തിപ്പുമായി ബന്ധപ്പെട്ട് പൂരാഘോഷക്കമ്മിറ്റികൾക്ക് കേന്ദ്ര പൂരാഘോഷ ക്കമ്മിറ്റി നിർദേശങ്ങൾ നൽകി.ഉത്സവത്തിനായി ക്ഷേത്ര ത്തിലേക്കെത്തുന്ന വിവിധ ആഘോഷക്കമ്മിറ്റികളുടെ എല്ലാ കലാപരിപാടികൾക്കും മുൻകൂർ രജിസ്ട്രേഷൻ നിർബന്ധമാണ്.കാവടി, തെയ്യം, ശിങ്കാരിമേളം, കരിങ്കാളിക്കൂട്ടം ഉൾപ്പെടെ ആഘോഷങ്ങളുടെ ഭാഗമായി അവതരിപ്പിക്കുന്ന എല്ലാ കലാ പരിപാടികൾക്കും കേന്ദ്ര പൂരാഘോഷക്കമ്മിറ്റി നൽകുന്ന രജിസ്ട്രേഷൻ ഫോം പൂരിപ്പിച്ച് 15-ന് രാവിലെ 10-നകം കമ്മിറ്റി ഭാരവാഹികൾക്ക് നൽകണമെന്നും ഭാരവാഹികൾ അറിയിച്ചു. രജിസ്ട്രേഷൻ പൂർത്തിയാക്കാത്ത ആഘോഷ സംഘങ്ങളെ ഉത്സവത്തിൽ പങ്കെടുപ്പിക്കില്ല.പൂരത്തിന് തലേദിവസം 28-ന് പതിർവാണിഭം നടക്കുന്നതിനാൽ അന്നേദിവസം യാതൊരു കാരണവശാലും ക്ഷേത്രമൈതാനിയിലോ പരിസരപ്രദേശങ്ങളിലോ ബന്ധപ്പെട്ട ആഘോഷക്കമ്മിറ്റികൾ മറ്റുപരിപാടികൾ നടത്താൻ പാടില്ലെന്നും കേന്ദ്ര പൂരാഘോഷക്കമ്മിറ്റി ഭാരവാഹികൾ അറിയിച്ചു.