ശാന്തിയാത്രയോടെ സർവ്വോദയ മേളയ്ക്ക് സമാപനം

തവനൂർ : ‘ഗാന്ധിമാർഗ്ഗം ലോകത്തിന്റെ പ്രതീക്ഷ’ എന്ന പ്രമേയത്തോടെ സംഘടിപ്പിച്ച സർവ്വോദയ മേളയുടെ ഭാഗമായി തവനൂരിൽ നിന്നും തിരുനാവായയിലേക്കു ശാന്തിയാത്ര നടത്തി. ഗാന്ധിജിയുടെ ചിതാഭസ്മം നിളയിൽ നിമജ്ജനം ചെയ്ത വാർഷിക ദിനമായ ഫെബ്രുവരി 12നാണ് യാത്ര നടന്നത്. യാത്രയിൽ പങ്കെടുത്തവർ തിരുനാവായയിലെ ഗാന്ധി സ്തൂപത്തിൽ പുഷ്പാർച്ചനയും ഹാരാർപ്പണവും നടത്തി.
തുടർന്ന് നടന്ന ഗാന്ധിസ്മൃതി സദസ്സ് മുൻ എം.പി സി. ഹരിദാസ് ഉദ്ഘാടനം ചെയ്തു. മേളയുടെ ഭാഗമായി കവി സമ്മേളനവും സാംസ്കാരിക സമ്മേളനവും നടന്നു.
സമാപന സമ്മേളനം ഉദ്ഘാടനം ചെയ്ത സാഹിത്യകാരൻ പി. സുരേന്ദ്രൻ, ജനാധിപത്യവും മതേതരത്വവും സംരക്ഷിക്കാൻ അഭിപ്രായവ്യത്യാസങ്ങൾ മാറ്റിവെച്ച് ഒന്നിക്കേണ്ട സമയം ആണെന്ന് പറഞ്ഞു.