മഞ്ഞനിക്കര പാത്രീയർക്ക പതാക ഘോഷയാത്രയ്ക്ക് ചാലിശ്ശേരിയിൽ സ്വീകരണം നൽകി

ചങ്ങരംകുളം:മഞ്ഞനിക്കര ദയറായിൽ കബറടങ്ങിയിരിക്കുന്ന മോറോൻ മോർ ഇഗ്നാത്തിയോസ് ഏലിയാസ് തൃതീയൻ പാത്രീയർക്കീസ് ബാവയുടെ 94-ാമത് ഓർമ്മപ്പെരുന്നാളിനോടനുബന്ധിച്ച് നടക്കുന്ന മഞ്ഞനിക്കര പാത്രീയർക്ക പതാക ഘോഷയാത്രയ്ക്ക് ശനിയാഴ്ച രാവിലെ ചാലിശ്ശേരി സെന്റ് പീറ്റേഴ്‌സ് ആൻഡ് സെന്റ് പോൾസ് യാക്കോബായ സുറിയാനി പള്ളിയിൽ സ്വീകരണം നൽകി.വ്യാഴാഴ്ച വയനാട്ടിലെ മീനങ്ങാടി പള്ളിയിൽ നിന്ന് ആരംഭിച്ച മലബാർ തീർഥയാത്ര സംഘമാണ് ചാലിശ്ശേരിയിലെത്തിയത്.മലബാർ തീർഥയാത്ര കൺവീനർ പൈലിക്കുഞ്ഞ് വട്ടശേരി, ജോയിൻ്റ് സെക്രട്ടറി സിജു ജോസ് ആരക്കുന്നം, സംഘം സെക്രട്ടറി സണ്ണി മുളന്തുരുത്തി, കമ്മിറ്റിയംഗങ്ങളായ ബിനു കുഴിവേലി,ജോഷി ആരക്കുന്നം, തോമസ് മുളന്തുരുത്തി, സജി കണ്ടനാട്, ഏലിയാസ് ഞാറക്കാട്ടിൽ മുളന്തുരുത്തി,തങ്കച്ചൻ കുന്നംകുളം എന്നിവർ സംഘത്തെ നയിച്ചു.മലബാർ,കോഴിക്കോട് ഭദ്രാസനങ്ങളിലെ വിവിധ പള്ളികളിലെ സ്വീകരണങ്ങൾക്ക് ശേഷം തൃശൂർ ഭദ്രാസനത്തിന്റെ പ്രവേശന കവാടമായ ചാലിശ്ശേരി
യാക്കോബായ സുറിയാനി പള്ളി യിലെത്തിയത്.ഘോഷയാത്രയെ വികാരി ഫാ.അബ്രഹാം യാക്കോബ് പുവ്വത്തുമണ്ണിൽ, ട്രസ്റ്റി സി. യു. ശലമോൻ, സെക്രട്ടറി ടൈറ്റസ് ഡേവീഡ് എന്നിവർ സ്വീകരിച്ചു. പാലക്കാട്, തൃശൂർ ജില്ലകളിലെ വിവിധ യാക്കോബായ സുറിയാനി പള്ളികളിലെ സ്വീകരണങ്ങൾക്ക് ശേഷം ഘോഷയാത്ര 13-ാം തീയതി മഞ്ഞനിക്കരയിൽ എത്തിച്ചേരും.