ചങ്ങരംകുളം മാന്തടത്ത് കടന്നല്‍ കൂട് ഭീഷണി ഉയര്‍ത്തുന്നതായി പരാതി

ചങ്ങരംകുളം:കടന്നല്‍ കൂട് ഭീഷണി ഉയര്‍ത്തുന്നതായി പരാതി.മേലെ മാന്തടത്ത് വാഴ്ത്തുപറമ്പില്‍ ശങ്കരന്റെ വീട്ടിലെ തെങ്ങിലാണ് മലങ്കടന്നല്‍ കൂട് കൂട്ടിയത്.രാത്രി കാലങ്ങളില്‍ ചെറിയ രീതിയില്‍ പുറത്തേക്ക് വന്നിരുന്ന കടന്നലുകള്‍ അടുത്ത ദിവസങ്ങളിലായി കൂട്ടത്തോടെ വീടുകളിലെത്തുകയാണെന്നും ഇവ കുട്ടികളും പ്രായമായവരും അടക്കമുള്ള കുടുംബങ്ങളില്‍ വലിയ ഭീഷണി ആവുന്നുണ്ടെന്നും നാട്ടുകാര്‍ പറയുന്നു.തെങ്ങിന്റെ ഓലയിലാണ് അപകടകാരിയായ കടന്നലുകള്‍ കൂട് കൂട്ടിയിരിക്കുന്നത്.കഴിഞ്ഞ ദിവസം മൂക്കുതലയില്‍ എട്ടോളം തൊഴിലുറപ്പ് തൊഴിലാളികളെ കടന്നല്‍ കൂട്ടം അക്രമിച്ച് ഗുരുതരമായി പരിക്കേല്‍പിച്ചിരുന്നു.പൊതുജനങ്ങള്‍ക്ക് ഭീഷണിയായ കടന്നല്‍ കൂട് നശിപ്പിക്കാന്‍ അധികൃതര്‍ തയ്യാറാവണമെന്നാണ് നാട്ടുകാരുടെ ആവശ്യം