ചങ്ങരംകുളം പള്ളിക്കര വേളയാട്ട് ശ്രീ നരസിംഹമൂര്‍ത്തി ക്ഷേത്രോത്സവം ഫെബ്രുവരി 19,20,21 തിയ്യതികളില്‍ നടക്കും

ചങ്ങരംകുളം:പള്ളിക്കര വേളയാട്ട് ശ്രീ നരസിംഹമൂര്‍ത്തി ക്ഷേത്രോത്സവം ഫെബ്രുവരി 19,20,21 തിയ്യതികളില്‍ നടക്കും.19ന് പതിവ് പൂജള്‍ക്കൊപ്പം വിശേഷാല്‍ പൂജകളും കാലത്ത് 7 മുതല്‍ ശ്രീമദ്നാരായണീയ പാരായണവും നടക്കും.തുടര്‍ന്ന് ഉച്ചപൂജ,നടതുറക്കല്‍,ദീപാരാധന,തായമ്പക,പറവെപ്പ്,നിറമാല,അത്താഴ പൂജ എന്നിവയും നടക്കും.രാത്രി 8 മണിക്ക് പുനര്‍ജ്ജനി മോസ്കോ പൂരാഘോഷ കമ്മിറ്റിയുടെ ആഭിമുഖ്യത്തില്‍ നക്ഷത്ര പെരിഞ്ഞനം അവതരിപ്പിക്കുന്ന വീരനാട്യം ഉണ്ടാവും.20ന് വെള്ളിയാഴ്ച കാലത്ത് മുതല്‍ പൂജകള്‍ക്ക് പുറമെ വിശേഷാല്‍ പൂജകളും ഉണ്ടാവും.വൈകിയിട്ട് ദീപാരാധന,നിറമാല,തായമ്പക,പറവെപ്പ്,അത്താഴപൂജ എന്നിവയും ഉണ്ടാവും.രാത്രി 8 മണിക്ക് കലാപരിപാടികളും അരങ്ങേറും.സമാപന ദിവസമായ 21ന് ശനിയാഴ്ച ഉച്ചയോടെ പകല്‍പൂരങ്ങള്‍ക്ക് തുടക്കമാവും.3 മണിക്ക് ഗജവീരന്‍മാരുടെ അകമ്പടിയോടെ എഴുന്നള്ളിപ്പ് നടക്കും.തുടര്‍ന്ന് വിവിധ ദേശപ്പൂരങ്ങളോടെ കൂട്ടി എഴുന്നള്ളിപ്പ് നടക്കും.രാത്രി 7.30ന് വെടിക്കെട്ട്.തുടര്‍ന്ന് വിവിധ സ്ഥലങ്ങളില്‍ നിന്നുള്ള വരവുകളും ഉണ്ടാവും.രാത്രി 8.30ന് റെഡ് ബാന്റ് കാലിക്കറ്റ് അവതരിപ്പിക്കുന്ന ഗാനമേളയും ഉണ്ടാവും.22ന് പുലര്‍ച്ചെ കൂട്ടി എഴുന്നള്ളിപ്പും നടക്കും.പുലര്‍ച്ചെ ഉത്സവം സമാപിക്കും