തൂലിക ജാലകം സാഹിത്യ വേദി പ്രഥമ പുരസ്കാരം റഫീഖ് പട്ടേരിക്ക്

എരമംഗലം: തൂലിക ജാലകം സാഹിത്യ വേദിയുടെ പ്രഥമ പുരസ്കാരം എഴുത്തുകാരനും സംവിധായകനുമായ റഫീഖ് പട്ടേരിക്ക്.എഴുത്ത് ജീവിതത്തിലെ സമഗ്ര സംഭാവന പരിഗണിച്ചാണ് തൃശ്ശൂർ കേന്ദ്രമായി പ്രവർത്തിക്കുന്ന തൂലിക ജാലകം സാഹിത്യ വേദി പെരുമ്പടപ്പ് പട്ടേരി സ്വദേശിയായ റഫീഖ് പട്ടേരിക്ക് പുരസ്‌കാരം നൽകുന്നത്. ഏപ്രിൽ 19 ഞായറാഴ്ച കുന്നംകുളം കമ്യൂണിറ്റി സിൽക്ക് പാർക്ക് കോൺഫറൻസ് ഹാളിൽ നടക്കുന്ന സാംസ്‌കാരിക സംഗമത്തിലാണ് പുരസ്കാര സമർപ്പണമെന്ന് സംഘാടക സമിതി ചെയർമാൻ പ്രിയൻ പോർക്കുളത്ത്,ജനറൽ സെക്രട്ടറി സി.പി. ജാഷിർ പെരുമ്പടപ്പ്, പ്രസിഡന്റ് നാസർ ചേറ്റുവ എന്നിവർ അറിയിച്ചു. കേരളത്തിന്റെ വിവിധയിടങ്ങളിൽ നിന്നും വിദേശ രാജ്യങ്ങളിൽനിന്നുമായി പ്രതിനിധികൾ പങ്കെടുക്കും.