എൽഡിഎഫ് പൊന്നാനി മണ്ഡലം വികസന രാഷ്ട്രീയ ജാഥയ്ക്ക് ചെറവല്ലൂരില്‍ തുടക്കമായി.

ചങ്ങരംകുളം:ജാഥ ക്യാപ്റ്റൻ പി നന്ദകുമാർ എംഎൽഎ നയിക്കുന്ന എൽഡിഎഫ് പൊന്നാനി മണ്ഡലം വികസന രാഷ്ട്രീയ ജാഥയ്ക്ക് തുടക്കമായി.ശനിയാഴ്ച രാവിലെ 10.30 ന് പെരുമ്പടപ്പ് പഞ്ചായത്തിലെ ചെറുവല്ലൂരിൽ നിന്ന് സിപിഐ എം ജില്ലാ സെക്രട്ടറിയേറ്റംഗം ടി എം സിദ്ധീഖ് ഉദ്ഘാടനം ചെയ്ത് ആരംഭിച്ച ജാഥ നന്നംമുക്ക് പഞ്ചായത്തിലെ അയിനിച്ചോട്, മൂക്കുതല, ആലങ്കോട് പഞ്ചായത്തിലെ കിഴിക്കര, ആലങ്കോട് എന്നിവിടങ്ങളിലെ സ്വീകരണത്തിന് ശേഷം വൈകിട്ട് 6.30ന് ചങ്ങരംകുന്നം ഹൈവേ ജങ്ഷനിൽ സമാപിച്ചു. വിവിധ സ്വീകരണ കേന്ദ്രങ്ങളിൽ ജാഥ വൈസ് ക്യാപ്റ്റൻ അജിത് കൊളാടി, മാനേജർ ഇ അബ്ദുൾ നാസർ, സിപിഐ എം ജില്ലാ കമ്മിറ്റിയംഗം അഡ്വ. ഇ സിന്ധു, സിപിഐ പൊന്നാനി മണ്ഡലം സെക്രട്ടറി രാജൻ, അബ്ദു എന്നിവർ സംസാരിച്ചു. സമാപന യോഗം മന്ത്രി വി അബ്ദുറഹിമാൻ ഉദ്ഘാടനം ചെയ്തു. സിപിഐ എം എടപ്പാൾ ഏരിയ കമ്മിറ്റിയംഗം വി വി കുഞ്ഞുമുഹമ്മദ് അധ്യക്ഷനായി.സിപിഐ എം എടപ്പാൾ ഏരിയ സെക്രട്ടറി ടി സത്യൻ, സിപിഐ എം ജില്ലാ കമ്മിറ്റിയംഗം അഡ്വ. ഇ സിന്ധു, പൊന്നാനി ഏരിയ സെക്രട്ടറി സി പി മുഹമ്മദ് കുഞ്ഞു, എടപ്പാൾ ഏരിയ കമ്മിറ്റിയംഗങ്ങളായ പി വിജയൻ, ആരിഫ നാസർ, സിപിഐ എം ആലങ്കോട് ലോക്കൽ സെക്രട്ടറി എൻ വി ഉണ്ണി, നന്നംമുക്ക് ലോക്കൽ സെക്രട്ടറി എം അജയ് ഘോഷ് എന്നിവർ സംസാരിച്ചു.മുന്നു ദിവസങ്ങളിലായി നടക്കുന്ന ജാഥ ഞായർ രാവിലെ 10ന് പെരുമ്പടപ്പിൽ നിന്ന് ആരംഭിക്കും.പാലപ്പെട്ടി,വെളിയങ്കോട്,എരമംഗലം,മാറഞ്ചേരി എന്നിവിടങ്ങളിലെ സ്വീകരണത്തിനു ശേഷം വൈകിട്ട് 6ന് കരിങ്കല്ലത്താണിയിൽ സമാപിക്കും.ചൊവ്വാഴ്ച കൊല്ലൻ പടിയിൽ നിന്ന് തുടങ്ങി ചന്തപ്പടി, വളവ്, സി വി ജങ്ഷൻ,പുതുപൊന്നാനി എന്നിവിടങ്ങളിലെ സ്വീകരണത്തിനു ശേഷം വൈകിട്ട് 6ന് പൊന്നാനി ബസ് സ്റ്റാൻഡിൽ ജാഥ സമാപിക്കും.