ന്യൂ ഇയര്‍ ലഹരി വേട്ട’എംഡിഎംഎ യും കഞ്ചാവുമായി ചങ്ങരംകുളത്ത് യുവാവ് പിടിയില്‍’പോലീസ് വാഹനത്തില്‍ നിന്ന് ചാടി രക്ഷപ്പെടാന്‍ ശ്രമിച്ച പ്രതിയെ പോലീസ് പിടികൂടിയത് അതി സഹസികമായി

ചങ്ങരംകുളം:എംഡിഎംഎ യും കഞ്ചാവുമായി യുവാവിനെ ചങ്ങരംകുളം പോലീസ് അതി സാഹസികമായി പിടികൂടി.ചങ്ങരംകുളം കാഞ്ഞിയൂരില്‍ താമസിച്ചിരുന്ന തെക്കിനിയത്ത് ഹസ്സൻ(35)ആണ് പിടിയിലായത്.വിതരണത്തിനായി കവറിലാക്കി സൂക്ഷിച്ച 7.2 ഗ്രാം MDMA യും, 122 ഗ്രാം കഞ്ചാവും ഇയാളില്‍ നിന്ന് പോലീസ് കണ്ടെടുത്തു.ബുധനാഴ്ച വൈകിയിട്ട് അഞ്ച് മണിയോടെയാണ് സംഭവം.രഹസ്യ വിവരത്തെ തുടര്‍ന്ന് ഹസ്സനെ പോലീസ് കസ്റ്റഡിയില്‍ എടുത്ത് ജീപ്പില്‍ കയറ്റി എങ്കിലും ചങ്ങരംകുളം ടൗണിലെത്തിയതോടെ പോലീസ് ജീപ്പില്‍ നിന്ന് ചാടിയ യുവാവ് ഓടി രക്ഷപ്പെടാന്‍ ശ്രമം നടത്തിയെങ്കിലും ചങ്ങരംകുളം പോലീസ് ഏറെ ദൂരം പുറകെ ഓടിയാണ് അതി സാഹസികമായി ഇയാളെപിടികൂടിയത്‌.പിടിയിലായ പ്രതിയെ കോടതിയില്‍ ഹാജറാക്കി റിമാന്റ് ചെയ്തു.ന്യൂഇയര്‍ ആഘോഷങ്ങള്‍ക്കായി ലഹരി വില്‍പന തടയുന്നതിനാണ് ചങ്ങരംകുളം പോലീസിന്റെ നേതൃത്വത്തില്‍ പരിശോധന ശക്തമാക്കിയത്