കോക്കുരിലെ മത സൗഹൃദത്തിന്റെ നേര്‍കാഴ്ചയായി വീണ്ടും ഒരു മണ്ഡലകാലം

ചങ്ങരംകുളം:മത സൗഹാര്‍ദ്ധത്തിനും സാഹോദര്യത്തിനും നേര്‍കാഴ്ചയായി കോക്കൂരില്‍ വീണ്ടുമൊരു മണ്ഡലകാലം വിരുന്നെത്തി.കഴിഞ്ഞ ദിവസം നടന്ന കോക്കൂർ ശ്രീ മഹാവിഷ്ണു ക്ഷേത്രത്തിലെ ദേശവിളക്കിന് വിരുന്നൊരുക്കിയത് മദ്രസ കമ്മിറ്റി ഭാരവാഹികള്‍.കോക്കൂർ സിറാജുൽ ഉലും മദ്രസ്സ കമ്മറ്റിയുടെ ഭാരവാഹികളുടെ നേതൃത്വത്തിലാണ് വിളക്ക് കടന്നു പോകുന്ന വഴിയിൽ മധുരം നൽകി ഭക്തരെ സ്വീകരിച്ചത്.ഭക്തര്‍ക്ക് ഒരുക്കിയ സ്വീകരണം കോക്കൂരിന്റെ മതസൗഹാർദ്ദം വിളിച്ചുയർത്തുന്ന മറ്റൊരു കാഴ്ചയായി മാറി.