.എടപ്പാൾ കണ്ടകത്ത് നിയന്ത്രണം വിട്ട സ്കൂൾ ബസ് കടയിലേക്ക് ഇടിച്ചു കയറി ഒരാൾക്ക് ദാരുണന്ത്യം
3 കുട്ടികള്‍ അടക്കം 4 പേർക്ക് പരിക്കേറ്റു
എടപ്പാൾ :സംസ്ഥാന പാതയില്‍ എടപ്പാൾ കണ്ടകത്ത് നിയന്ത്രണം വിട്ട സ്കൂൾ ബസ് കടയിലേക്ക് ഇടിച്ചു കയറി ഒരാൾക്ക് ദാരുണാന്ത്യം.കടയില്‍ നിന്നിരുന്ന കണ്ടനകം സ്വദേശി വിജയന്‍ എന്നയാളാണ് മരിച്ചത്‌.സമീപത്ത് നിന്നിരുന്ന ഒരാള്‍ക്കും ബസില്‍ ഉണ്ടായിരുന്ന 3 വിദ്യാര്‍ത്ഥികള്‍ക്കും പരിക്കേറ്റിട്ടുണ്ട്.പരിക്കേറ്റവരെ നാട്ടുകാര്‍ ചേര്‍ന്ന് എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്.തിങ്കളാഴ്ച വൈകിട്ട് നാലര മണിയോടെയാണ് അപകടം നടന്നത്. എടപ്പാളിലെ സ്വകാര്യ സ്കൂളിലെ ബസ്സാണ് അപകടത്തിൽപ്പെട്ടത്.അപകടത്തെ തുടര്‍ന്ന് സംസ്ഥാന പാതയില്‍ ഏറെ നേരം ഗതാഗതം മുടങ്ങി.മരിച്ച വിജയന്റെ മൃതദേഹം എടപ്പാള്‍ ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്.
