പാലപ്പെട്ടി ഗവൺമെന്റ് ഹയർസെക്കൻഡറി സ്കൂളിൽ നിര്‍മിച്ച ടോയ്ലറ്റ് കോംപ്ലക്സ് തുറന്നു കൊടുത്തു

എരമംഗലം:മലപ്പുറം ജില്ലാ പഞ്ചായത്ത് വികസന ഫണ്ടിൽ ഡിവിഷൻ മെമ്പർ എ കെ സുബൈറിന് അനുവദിച്ച പദ്ധതി വിഹിതം ഉപയോഗിച്ചുകൊണ്ട് പാലപ്പെട്ടി ഗവൺമെന്റ് ഹയർസെക്കൻഡറി സ്കൂളിൽ 10 ലക്ഷം രൂപ ചിലവിൽ ആധുനിക സൗകര്യങ്ങളോടെ മനോഹരമായി നിർമിച്ച ടോയ്‌ലറ്റ് കോംപ്ലക്സ് വിദ്യാലയത്തിന് ജില്ലാ പഞ്ചായത്ത് ഡിവിഷൻ മെമ്പർ എ കെ സുബൈർ തുറന്നു കൊടുത്തു. ചടങ്ങിൽ പി ടി എ വൈസ് പ്രസിഡന്റ് റെജീന അധ്യക്ഷ വഹിച്ചു.എസ് എം സി ചെയർമാൻ ഖലീൽ വാലിയിൽ,മുജീബ് റഹ്മാൻ, ഹസ്സൻ ഖനി, പി ടി എ അനുബന്ധ ഘടകങ്ങളിലെ അംഗങ്ങൾ,അധ്യാപകർ, രക്ഷിതാക്കൾ തുടങ്ങിയവർ സന്നിദ്ധരായിരുന്നു.പ്രിൻസിപ്പൽ എസ്. ആർ ഉണ്ണികൃഷ്ണൻ സ്വാഗതവും, എച്ച് എം ഫാത്തിമ ടീച്ചർ കെ. വി നന്ദിയും പറഞ്ഞു