ഗാന്ധിജയന്തിയോട് അനുബന്ധിച്ച് തിരുന്നാവായയിൽ പുഷ്പാർച്ചനയും ശുചീകരണ പ്രവർത്തനങ്ങളും സംഘടിപ്പിച്ചു

തിരുന്നാവായ : ഗാന്ധി ജയന്തി ദിനാചരണത്തിന്റെ ഭാഗമായി മലപ്പുറം ജില്ലാ ഇൻഫർമേഷൻ ഓഫീസ്, തിരുന്നാവായ റീ എക്കോ, മലപ്പുറം ട്രോമ കെയർ വോളന്റിയർമാർ എന്നിവർ ചേർന്ന് ഗാന്ധി സ്മാരകത്തിൽ പുഷ്പാർച്ചന നടത്തി. തുടർന്ന് ഗാന്ധി സ്മാരകത്തിലും മാമാങ്ക സ്മാരകങ്ങളിലും ശുചീകരണ പ്രവർത്തനങ്ങളും നടത്തി.റി എക്കോ പ്രസിഡന്റ് പുവ്വത്തിങ്കൽ റഷീദ് അധ്യക്ഷത വഹിച്ച ചടങ്ങ് തിരുന്നാവായ ഗ്രാമ പഞ്ചായത്ത് പ്രസിഡന്റ് മാമ്പറ്റ ദേവയാനി ഉദ്ഘാടനം ചെയ്തു. ഗ്രാമ പഞ്ചായത്ത് മെമ്പർമാരായ ഹാരിസ് പറമ്പിൽ, സോളമൻ കളരിക്കൽ, കോഴിപുറം, ട്രോമ കെയർ കോ-ഓർഡിനേറ്റർ ഷമീർ അലി വൈലത്തൂർ, ഖാലിദ് ഗുരുക്കൾ, സർവോദയ മേള കമ്മിറ്റി വൈസ് ചെയർമാൻ മുളക്കൽ മുഹമ്മദാലി, തേക്കിൽ നൗഷാദ്, സി. കെ. ശിവൻ, ഹമീദ് കൈനിക്കര, സൂർപ്പിൽ അഷ്റഫ്, ഷംസു കുന്നക്കാട്ട്, ചിറക്കൽ ഉമ്മർ എന്നിവർ പങ്കെടുത്തു.പ്രധാന ചടങ്ങിന് ശേഷം മാമാങ്ക സ്മാരകങ്ങളിൽപ്പെട്ട മണിക്കിണറും ചങ്ങമ്പള്ളി കളരിയുടെ പരിസരവും ശുചീകരിച്ചു. പ്രവർത്തനങ്ങൾക്ക് കേരള ബാങ്ക് എഫ്.എൽ.സി. പ്രതിനിധി എം.കെ. സതീഷ് ബാബു, ട്രോമ കെയർ കൽപകഞ്ചേരി യൂണിറ്റ് ലീഡർ ഇസ്മായിൽ പറവന്നൂർ, യുനുസ് കുന്നുംപുറം, ഷറഫുദ്ധീൻ പല്ലാർ എന്നിവർ നേതൃത്വം നൽകി.ഗാന്ധി ജയന്തിയോട് അനുബന്ധിച്ച് കഴിഞ്ഞ മൂന്ന് ദിവസങ്ങളിലായി വാളക്കുളം കെ.എച്ച്.എം. എച്ച്.എസ്.യിലെ ദേശിയ ഹരിത സേന യൂണിറ്റുമായും സഹകരിച്ച് വിവിധ പരിപാടികൾ സംഘടിപ്പിച്ചുവരികയാണ്.