കര്‍ഷക കോണ്‍ഗ്രസ് ഗാന്ധിജയന്തി ദിനത്തില്‍ സംഘടിപ്പിച്ച ‘വയലോര്‍മ്മ ശ്രദ്ധേയമായി

ചങ്ങരംകുളം:ഗാന്ധി ജയന്തി ദിനത്തില്‍ കര്‍ഷക കോണ്‍ഗ്രസ് ആലംകോട് മണ്ഡലം കമ്മിറ്റി വയലോര്‍മ്മ എന്ന പേരില്‍ ഗാന്ധി സ്മൃതിയും സ്മൃതിയും സ്നേഹാദരവും സംഘടിപ്പിച്ചു.പഴയ കര്‍ഷകരെയും കാര്‍ഷിക രംഗത്ത് വ്യക്തി മുദ്ര പതിപ്പിച്ചവരെയും ചേര്‍ത്ത് പിടിച്ച് ഉദിനുപറമ്പ് മാങ്കുളത്ത് നടത്തിയ പരിപാടി കര്‍ഷക കോണ്‍ഗ്രസ് സംസ്ഥാന ജനറല്‍ സെക്രട്ടറി കെടി സിദ്ധിക്ക് ഉദ്ഘാടനം ചെയ്തു.ചടങ്ങില്‍ കര്‍ഷകര്‍ക്കുള്ള ആദരവും ഉപഹാര സമര്‍പ്പണവും നടന്നു.പഴയ കാല കൃഷി സ്മരണകള്‍ ഉണര്‍ത്തി കാളപൂട്ടും പൂട്ടും,പഴയ കാല കര്‍ഷകരുടെ നേതൃത്വത്തില്‍ ഞാറ് നടീലും ശ്രദ്ധേയമായി.അഡ്വക്കറ്റ് സിദ്ധിക്ക് പന്താവൂര്‍ മുഖ്യപ്രഭാഷണം നടത്തി.പികെ അബ്ദുള്ള കുട്ടി സ്വാഗതം പറഞ്ഞ ചടങ്ങില്‍ സുബൈര്‍ ഉദിനുപറമ്പ് അധ്യക്ഷത വഹിച്ചു.പിടി ഖാദര്‍,രഞ്ജിത്ത് അടാട്ട്,പ്രണവം പ്രസാദ്,ഹുറൈര്‍ കൊടക്കാട്ട്,ശ്രീകുമാര്‍ പെരുമുക്ക്,ജലീല്‍ വടക്കന്‍,സിവി ഇബ്രാഹിം തുടങ്ങി പ്രമുഖ നേതാക്കള്‍ പങ്കെടുത്ത് സംസാരിച്ചു.കപ്പയും ചമ്മന്തിയും അടങ്ങിയ ഭക്ഷണവുംതുടര്‍ന്ന്,കര്‍ഷകരുടെ നാടന്‍പാട്ടുകളും കൈകൊട്ടികളിയും അരങ്ങേറി