കെസിഇഎഫ് പൊന്നാനി താലൂക്ക് കമ്മിറ്റിയുടെ നേതൃത്വത്തിൽ ധർണ്ണാസമരം നടത്തി

ചങ്ങരംകുളം:സഹകരണ മേഖലയെ തകർക്കുന്ന കേന്ദ്ര-സംസ്ഥാന സർക്കാരുകളുടെ നയങ്ങൾക്കെതിരായി കെ സി ഇ എഫ് സംസ്ഥാന കമ്മിറ്റിയുടെ ആഹ്വാനപ്രകാരം കേരളത്തിൽ ഉടനീളം അസിസ്റ്റന്റ് രജിസ്ട്രാർ ഓഫീസുകൾക്ക് മുൻപിൽ നടത്തിയ ധർണ്ണയുടെ ഭാഗമായി പൊന്നാനി താലൂക്ക് കമ്മിറ്റിയുടെ നേതൃത്വത്തിൽ പൊന്നാനി എ ആർ ഓഫീസിനു മുന്നിൽ ധർണ്ണ സമരം നടത്തി.സമരം ജില്ലാ യുഡിഫ് ചെയർമാൻ പി ടി അജയ്‌മോഹൻ ഉത്ഘാടനം ചെയ്തു.ഡിസിസി ജനറൽ സെക്രട്ടറി അഡ്വ: സിദ്ധിഖ് പന്താവൂർ മുഖ്യ പ്രഭാഷണം നിർവഹിച്ചു.കെ സി ഇ എഫ് സ്റ്റേറ്റ് എക്സിക്യൂട്ടീവ് അംഗം ആര്‍ സോമവർമ,വനിതാ ഫോറം ജില്ലാ ചെർപേഴ്സൺ പി സവിത എന്നിവർ സംസാരിച്ചു. ജില്ലാ വൈസ് പ്രസിഡന്റ്‌ പി രാജാറാം സംഘടന സന്ദേശം നൽകി, രവി അണ്ടത്തോട് , സന്തോഷ്, ശശീന്ദ്രൻ , സുനിൽകുമാർ , ഷാനവാസ് , ബജിത് , പ്രസാദ് തുടങ്ങിയവർ നേതൃത്വം നൽകി . താലൂക്ക് പ്രസിഡന്റ്‌ നൂറുദ്ധീൻ അധ്യക്ഷൻ ആയ ചടങ്ങിൽ താലൂക്ക് സെക്രട്ടറി വിജയാനന്ദ് ടി പി സ്വാഗതവും, ട്രഷറർ ഫൈസൽ സ്നേഹനഗർ നന്ദിയും അറിയിച്ചു.