ജനവാസ കേന്ദ്രത്തിലെ അനധികൃത ആന ഷെഡ്ഡ് നിർമാണത്തിനെതിരെ പരാതിയുമായി നാട്ടുകാര്‍ രംഗത്ത്,പോലീസിലും ജില്ലാ കളക്ടര്‍ക്കും പരാതി നല്‍കി

ചങ്ങരംകുളം:ജനവാസ കേന്ദ്രത്തിലെ അനധികൃത ആന ഷെഡ്ഡ് നിർമാണത്തിനെതിരെ പരാതിയുമായി നാട്ടുകാര്‍ രംഗത്ത്.നന്നംമുക്ക് പഞ്ചായത്തിലെ നരണിപ്പുഴയില്‍ തൃക്കണ്ടപുരത്താണ് ആനകളെ കെട്ടുന്നതിന് ഷെഡ് നിര്‍മിക്കുന്നത്.നരണിപ്പുഴയോട് ചേര്‍ന്ന് പാടശേഖരം മണ്ണിട്ട് തൂർത്താണ് അനധികൃതമായ നിർമ്മാണം നടക്കുന്നതെന്നാണ് നാട്ടുകാരുടെ ആരോപണം.ജനങ്ങൾ തിങ്ങി പാർക്കുന്ന പ്രദേശത്ത് ആനകളെ താമസിപ്പിക്കുന്നതിന് സൗകര്യം ഒരുക്കുന്നത് ജനങ്ങള്‍ക്ക് ഭീതിയും ആശങ്കയും ഉണ്ടാക്കുമെന്നും ആരോഗ്യ പ്രശ്നങ്ങൾ ഉള്‍പ്പെടെയുള്ള ഗുരുതരമായ പ്രത്യാഘാതങ്ങള്‍ക്ക് ഇടയാക്കുമെന്നുമാണ് ആക്ഷേപം.പുഞ്ചപ്പാടം മണ്ണിട്ട് തൂര്‍ത്ത് നിയമപരമായ ഒരു തരത്തിലുള്ള മാനദണ്ഡങ്ങളും ഇല്ലാതെയാണ് ആന ഷെഡ്ഡ് നിർമ്മാണം നടക്കുന്നതെന്നും നാട്ടുകാര്‍ക്ക് പരാതിയുണ്ട്.നിലവില്‍ പഞ്ചായത്തിലും വില്ലേജിലും,ചങ്ങരംകുളം പോലീസിലും ജില്ലാ കളക്ടര്‍ക്കും അടക്കമുള്ളവര്‍ക്ക് പരാതി നല്‍കിയതായും നാട്ടുകാരായ ബഷീർ പാറ,മൊയ്തുണി കെസി,ബീരാൻകുട്ടി,അബ്ദുൽറഹ്മാൻ,നരണിപുഴ മുഹമ്മദലി,റാഷിക്ക് ഹംസ അറിയിച്ചു