കനത്ത മഴ’കടവല്ലൂരില്‍ വീടിന് മുകളില്‍ മരം വീണു’ആട്ടിന്‍കൂട് തകര്‍ന്ന് ആട് ചത്തു.

കടവല്ലൂര്‍:കനത്ത മഴയില്‍ വീടിന് മുകളില്‍ മരം വീണു’ആട്ടിന്‍കൂട് തകര്‍ന്ന് ആട് ചത്തു.കടവല്ലൂര്‍ പഞ്ചായത്തിലെ പള്ളികുളത്ത് കളരിക്കല്‍ വീട്ടില്‍ രഘുനാഥ് പണിക്കരുടെ വീട്ടിലേക്കാണ് മരം വീണത്. ആട്ടിന്‍കൂട് പൂര്‍ണ്ണമായും തകര്‍ന്നു. വീടിന്റെ മേല്‍ക്കൂരയിലേക്കും മരചില്ല വീണിട്ടുണ്ട്.വീടിന് ഭാഗികമായി കേടുപാടുകൾ സംഭവിച്ചിട്ടുണ്ട്‌.ഞായറാഴ്ച ഉച്ചയ്ക്ക് രണ്ടുമണിയോടെയാണ് ശക്തമായ കാറ്റും മഴയും ഉണ്ടായത്.
അപകട സമയത്ത് രഘുനാഥ് പണിക്കരുടെ ഭാര്യ വീടിനകത്ത് ഉണ്ടായിരുന്നെങ്കിലും പരുക്കേൽക്കാതെ അത്ഭുതകരമായി രക്ഷപ്പെട്ടു.