സംഭവം കോഴിക്കോട് പേരാമ്പ്രയിലെ കല്യാണ വീട്ടിൽ; അടുക്കള വാതിലിൻ്റെ പൂട്ട് പൊളിച്ച് കവർച്ച; നഷ്ടമായത് ₹20 ലക്ഷം

കോഴിക്കോട്: പേരാമ്പ്രയിൽ കല്യാണ വീട്ടിൽ കവർച്ച നടന്നതായി പരാതി. പേരാമ്പ്ര സ്വദേശി കോറോത്ത് സദാനന്ദൻ്റെ വീട്ടിലാണ് സംഭവം. ഇദ്ദേഹത്തിൻ്റെ മകളുടെ വിവാഹം ഇന്നലെ ഈ വീട്ടിൽ വച്ച് നടന്നിരുന്നു. ഇതിനായി വീട്ടിൽ കരുതിയിരുന്ന പണം അടങ്ങിയ പെട്ടിയാണ് നഷ്ടമായത്. അടുക്കള വാതിലിൻ്റെ പൂട്ട് പൊളിച്ചാണ് മോഷ്ടാവ് അകത്ത് കടന്നത്. പണപ്പെട്ടിയിൽ ഏകദേശം 20 ലക്ഷം രൂപ നഷ്ടപെട്ടതായാണ് വിവരം.