കുന്നംകുളം:ചെമ്മണ്ണൂരിൽ വർക്ക്ഷോപ്പിൽ നിർത്തിയിട്ട രണ്ട് ബൈക്കുകളും രണ്ട് സ്കൂട്ടറുകളും തല്ലി തകർത്തു. ചെമ്മണ്ണൂരിൽ വാടകയ്ക്ക് താമസിക്കുന്ന ശേഖരത്ത് വീട്ടിൽ രഞ്ജിത്തിന്റെ വാടക വീടിനോട് ചേർന്നുള്ള വർക്ക് ഷോപ്പിൽ നിർത്തിയിട്ട ബൈക്കുകളും സ്കൂട്ടറുകളുമാണ് തല്ലി തകർത്തത്. തിങ്കളാഴ്ച രാത്രി 7 മണിയോടെയായിരുന്നു സംഭവം.
കാണിപ്പയ്യൂർ സ്വദേശികളായ അഖിൽ, സുമേഷ് എന്നിവരാണ് ആക്രമണം നടത്തിയതെന്ന് പറയുന്നു. അഖിലിന്റെ ബൈക്ക് നന്നാക്കാൻ രഞ്ജിത്തിനെ ഏൽപ്പിക്കുകയും നന്നാക്കാൻ ആവശ്യപ്പെട്ട തുകയെ സംബന്ധിച്ച് ഇരുവരും തമ്മിൽ തർക്കം നിലനിൽക്കുകയും ചെയ്തിരുന്നു. തുടർന്ന് മദ്യപിച്ചെത്തിയ പ്രതികൾ വീടിൻറെ കോമ്പൗണ്ടിൽ നിർത്തിയിട്ട വാഹനങ്ങൾ തല്ലി തകർക്കുകയായിരുന്നു എന്ന് പരാതിക്കാരൻ പറയുന്നു.സംഭവത്തിൽ കുന്നംകുളം പോലീസിൽ പരാതി നൽകി. കുന്നംകുളം പോലീസ് അന്വേഷണം ആരംഭിച്ചു.
