വളാഞ്ചേരി:വീട്ടുജോലിക്ക് പോയ യുവതിയുടെ മൃതദേഹം അയല്വാസിയുടെ വീട്ടുവളപ്പിലെ വാട്ടര് ടാങ്കില് കണ്ടെത്തി.വളാഞ്ചേരി അത്തിപ്പറ്റ സ്വദേശിനി ഫാത്തിമ(45) യെയാണ് ആള് താമസമില്ലാത്ത വീട്ടിലെ വാട്ടര് ടാങ്കില് മരിച്ച നിലയില് കണ്ടെത്തിയത്.ഞായറാഴ്ച രാവിലെ ഫാത്തിമ ജോലി ചെയ്യുന്ന വീട്ടില് വന്നു പോയതിനു ശേഷമാണ് സംഭവം.
മലപ്പുറം വളാഞ്ചേരിക്കടുത്ത് അത്തിപ്പറ്റയിലാണ് താമസക്കാരില്ലാത്ത വീട്ടിലെ വാട്ടര് ടാങ്കിലാണ് വീട്ടില് ജോലി ചെയ്യുന്ന ജീവനക്കാര് മൃതദേഹം കണ്ടത്. തുടര്ന്ന് നടത്തിയ അന്വേഷണത്തിലാണ് അത്തിപ്പറ്റ സ്വദേശിനിയായ ഫാത്തിമ എന്ന 45 കാരിയാണ് മരിച്ചതെന്ന് നാട്ടുകാര് തിരിച്ചറിഞ്ഞത്.
വെങ്ങാട് സ്വദേശിയുടെ ഉടമസ്ഥതയിലുള്ള താമസക്കാരില്ലാത്ത വീടിന്റെ വാട്ടര് ടാങ്കിലാണ് ഫാത്തിമ മരിച്ചു കിടക്കുന്നതായി ജോലിക്കാര് കണ്ടത്.ഈ വീടിന്റെ അയല് വീട്ടിലാണ് ഫാത്തിമ ജോലി ചെയ്യുന്നത്.ഞായറാഴ്ച രാവിലെ വാട്ടര് ടാങ്കിലെ മത്സ്യങ്ങള്ക്ക് തീറ്റ കൊടുക്കാന് ജോലിക്കാരെത്തിയപ്പോഴാണ് ഫാത്തിമയെ ടാങ്കിലെ വെള്ളത്തില് മരിച്ച നിലയില് കണ്ടെത്തിയത്. ഉടന് തന്നെ പൊലീസില് വിവരം അറിയിച്ചു.പൊലീസ് എത്തി മൃതദേഹം പുറത്തെടുത്തപ്പോഴാണ് ഫാത്തിമയാണെന്ന് നാട്ടുകാര് തിരിച്ചറിഞ്ഞത്.അയല് വീട്ടില് ഞായറാഴ്ച രാവിലെയും ഫാത്തിമ ജോലിക്കായി വന്ന് മടങ്ങിയതാണെന്ന് ബന്ധു പറയുന്നു.വീട്ടിലെ ലൗ ബേഡ്സിനും മറ്റും തീറ്റ കൊടുത്ത് മടങ്ങിയതിനു ശേഷമാണ് തൊട്ടടുത്തുള്ള വീട്ടിലെ ടാങ്കില് ഫാത്തിമ്മയുടെ മൃതദേഹം കണ്ടെത്തുന്നത്.മൃതദേഹം ഇന്ക്വസ്റ്റ് നടപടികള് പൂര്ത്തിയാക്കി പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ട് നല്കും.സംഭവത്തില് വളാഞ്ചേരി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്
