എടപ്പാളില് വടിവാള് കാണിച്ച് ഭീഷണിപ്പെടുത്തി വിദ്യാര്ത്ഥിയെ ബൈക്കില് തട്ടിക്കൊണ്ട് പോയി മര്ദ്ധിച്ച സംഭവത്തിലെ പ്രതികളെ റിമാന്റ് ചെയ്തു.പൊന്നാനി അഴീക്കല് സ്വദേശി 19 വയസുള്ള മുഹമ്മദ് മുബഷിര് പൊന്നാനി നഗരം സ്വദേശി 18 വയസുള്ള
മുഹമദ് ജസീല് എന്നിവരെയാണ് പൊന്നാനി ജുഡീഷ്യല് മജിസ്ട്രേറ്റ് കോടതി റിമാന്റ് ചെയ്തത്. കേസിലെ മറ്റൊരു പ്രതി പൊന്നാനി സ്വദേശിയായ 17 വയസുകാരനെ തവനൂല് ജുവൈനല് കോടതിയില് ഹാജറാക്കി.പിടിയിയായ ജസീല് പൊന്നാനിയില് പോലീസിനെ അക്രമിച്ച് പരിക്കേല്പിച്ച കേസിലും മുബഷിര് ലഹരി കേസുകളിലും പ്രതികളാണെന്ന് ചങ്ങരംകുളം സിഐ ഷൈന് പറഞ്ഞു.
ഞായറാഴ്ച രാത്രി ഒമ്പത് മണിയോടെ എടപ്പാള് പൊന്നാനി റോഡില് ആണ് സംഭവം.പൂക്കരത്തറ കുറ്റിപ്പാല സ്വദേശികളായ വിദ്യാര്ത്ഥികള് വസ്ത്രങ്ങള് എടുക്കുന്നതിനായാണ് എടപ്പാളില് എത്തിയത്.റോഡരികില് ലഹരി ഉപയോഗിച്ച് നിന്നിരുന്ന സംഘം ഇവരെ തടഞ്ഞ് നിര്ത്തി ഭീഷണിപ്പെടുത്തുകയും പടിക്കുന്ന സ്കൂളും സ്ഥലവും ചോദിച്ചറിയുകയായിരുന്നു.പിന്നീട് ഒപ്പം പടിക്കുന്ന വിദ്യാര്ത്ഥിയുടെ മൊബൈല് നമ്പര് ചോദിച്ചു.ഇല്ല എന്ന് പറഞ്ഞതോടെ പ്രകോപിതരായ സംഘം കയ്യിലുള്ള വാളെടുത്ത് വീശുകയുമായിരുന്നു.ഇതോടെ വിദ്യാര്ത്ഥികള് പേടിച്ച് ടൗണിലേക്ക് ഓടിയെങ്കിലും ബൈക്കില് ഇവരെ പിന്തുടര്ന്ന സംഘം കുറ്റിപ്പാല സ്വദേശിയായ 17 കാരനെ തടഞ്ഞ് നിര്ത്തി വാളെടുത്ത് ഭീഷണിപ്പെടുത്തി ബൈക്കില് കയറ്റി പൊന്നാനി ഭാഗത്തേക്ക് ഓടിച്ച് പോയി.വിദ്യാര്ത്ഥികള് വിവരം അറിയിച്ചതനുസരിച്ച് ചങ്ങരംകുളം പോലീസെത്തി ഇവരെ പിന്തുടര്ന്നതോടെ പൊന്നാനി ഐശ്വര്യ തീയറ്ററിനടുത്ത് വിദ്യാര്ത്ഥിയെ ഇറക്കി വിട്ട് സംഘം രക്ഷപ്പെട്ടു
ഇതിനിടെ റോഡിലൂടെ പോയ മറ്റൊരു വാഹനത്തിലെ യാത്രക്കാര് സംഭവത്തിന്റെ ദൃശ്യങ്ങള് എടുക്കുകയും പോലീസിന് കൈമാറുകയും ചെയ്തു.വീഡിയോ ദൃശ്യങ്ങളും മൊബൈല് ടവര് ലോക്കേഷനും കേന്ദ്രീകരിച്ച് സിഐ ഷൈനിന്റെ നേതൃത്വത്തില് ചങ്ങരംകുളം പോലീസ് നടത്തിയ അന്വേഷണത്തിലാണ് പ്രതികളായ മൂന്ന് പേരെയും പോലീസ് പിടികൂടിയത്.കൗമാരക്കാരായ സംഘം പ്രദേശത്തെ ലഹരി ഉപഭോക്താക്കളും ഇടപാടുകാരും ആണെന്നാണ് പോലീസ് നല്കുന്ന വിവരം.ജാമ്യം ലഭിക്കാത്ത വകുപ്പ് ചുമത്തിയാണ് ഇവര്ക്കെതിരെ പോലീസ് കേസെടുത്തത്
