മാറഞ്ചേരി മുക്കാലയില്‍ ക്ളബ്ബിന് പെട്രോള്‍ ഒഴിച്ച് തീയിട്ട് യുവാക്കള്‍’സംഭവത്തില്‍ ഒരാള്‍ക്ക് പൊള്ളലേറ്റു.മാറഞ്ചേരി പനമ്പാട് സ്വദേശി 22 വയസുള്ള അബി ക്കാണ് പൊള്ളലേറ്റത്.മുഖത്തും ശരീരത്തിലും സാരമായി പൊള്ളലേറ്റ അബിയെ ചങ്ങരംകുളത്ത് സണ്‍റൈസ് ആശുപത്രിയില്‍ പ്രവേശിപ്പിച്ചു.ശനിയാഴ്ച രാത്രി എട്ട് മണിയോടെയാണ് സംഭവം.
കഴിഞ്ഞ ദിവസം മാറഞ്ചേരി പനമ്പാട് കണ്ണാത്തയില്‍ ക്ഷേത്രത്തിലെ ഉത്സവത്തിനിടെ ക്ളബ്ബിലെ അംഗങ്ങളും യുവാക്കളും തമ്മില്‍ സംഘര്‍ഷം നടന്നിരുന്നു.ഇതിന്റെ തുടര്‍ച്ചായി അബിയുടെ നേതൃത്വത്തിലുള്ള സംഘം എതിര്‍ച്ചേരിയിലെ അംഗങ്ങളുടെ ക്ളബ്ബിന് പെട്രോള്‍ ഒഴിച്ച് തീവെക്കുകയായിരുന്നുവെന്നാണ് വിവരം.ക്ളബ്ബിന് തീയിട്ടത് 4 പേരടങ്ങുന്ന സംഘമാണെന്നാണ് വിവരം.സംഭവത്തില്‍ ഉള്‍പ്പെട്ട പനമ്പാട് സ്വദേശിയായ ആദര്‍ശ് എന്നയാളെ പെരുമ്പടപ്പ് പോലീസ് കസ്റ്റഡിയില്‍ എടുത്തിട്ടുണ്ട്.
