ചങ്ങരംകുളം:വളയംകുളത്ത് റൈസ് മില്ലിലെ മിഷിനില് കൈ കുടുങ്ങി യുവതിയുടെ കൈ അറ്റു.കക്കിടിപ്പുറത്ത് താമസിച്ചിരുന്ന തടത്തില് പ്രേമന്റെ ഭാര്യ 40 വയസുള്ള പുഷ്പയുടെ വലത് കയ്യാണ് അറ്റത്.ചൊവ്വാഴ്ച കാലത്ത് പത്തര മണിയോടെയാണ് സംഭവം.കഴിഞ്ഞ രണ്ട് വര്ഷമായി മില്ലില് ജോലി ചെയ്യുന്ന പുഷ്പ യാണ് അപകടത്തില് പെട്ടത്
കൊപ്ര ആട്ടുന്നതിനിടയില് മിഷനില് കൈ കുടുങ്ങി അറ്റു പോവുകയായിരുന്നു.ഓടിക്കൂടിയ നാട്ടുകാരാണ് കൈ പൂര്ണ്ണമായും അറ്റ നിലയില് യുവതിയെ ചങ്ങരംകുളത്തെ സ്വകാര്യ ആശുപത്രിയില് എത്തിച്ചത്.നാട്ടുകാര് വിവരം അറിയിച്ചതനുസരിച്ച് ചങ്ങരംകുളം പോലീസ് എത്തിയാണ് ഏറെ നേരത്തെ പരിശ്രമത്തിന് ശേഷം ചതഞ്ഞ നിലയില് മിഷനില് കുടുങ്ങിയ വലത് കൈ പുറത്തെടുത്ത് ആശുപത്രിയില് എത്തിച്ചത്.പുഷ്പയുടെ നില അതീവ ഗുരുതരമായതിനാല് പിന്നീട് തൃശ്ശൂരിലെ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്
