ചാരിറ്റിയുടെ സന്ദേശവുമായി റെഡ് റോസ് വുമൺ എംപവർമെന്റ് കമ്മിറ്റിയുടെ കുടുംബയോഗം ചേര്‍ന്നു

മാറഞ്ചേരി: റെഡ് റോസ് വുമൺ എംപവർമെന്റ് കമ്മിറ്റിയുടെ കുടുംബയോഗം കവി രുദ്രൻ വാരിയത്ത് ഉദ്ഘാടനം ചെയ്തു.ചാരിറ്റിയുടെ പ്രാധാന്യവും സമൂഹത്തിലെ ദുരിതമനുഭവിക്കുന്നവർക്ക് കൈത്താങ്ങാകേണ്ടതിന്റെ ആവശ്യകതയും അദ്ദേഹം വിശദീകരിച്ചു.റംല ഹനീഫ് അധ്യക്ഷത വഹിച്ച യോഗത്തിൽ കമ്മിറ്റി ചെയർമാൻ ഹനീഫ് സ്വാഗതം ആശംസിച്ചു.യോഗത്തിൽ വിവിധ വിഷയങ്ങളെ ആസ്പദമാക്കി നിരവധി പേർ പ്രഭാഷണം നടത്തി.വൈസ് പ്രസിഡന്റുമാർ സംഘടനാ പ്രവർത്തനങ്ങളെക്കുറിച്ച് സംസാരിച്ചു.രുദ്രൻ വാരിയത്ത് ചാരിറ്റി പ്രവർത്തനങ്ങളുടെ പ്രസക്തി വിശദീകരിച്ചു.ഫൗസി ഗ്രൂപ്പിന്റെ ഏകോപന പ്രവർത്തനങ്ങളെക്കുറിച്ച് സംസാരിച്ചു.റംല ഹനീഫ് സംഘടനയുടെ പൊതുവായ പ്രവർത്തനങ്ങളും ഭാവി പദ്ധതികളും അവതരിപ്പിച്ചു. ഷാജി ഷംസു ചാരിറ്റി ഫണ്ട് ശേഖരണവും വികസന പ്രവർത്തനങ്ങളും വിശദീകരിച്ചു. സജ്ന അസ്ലം വനിതാ ശാക്തീകരണവുമായി ബന്ധപ്പെട്ട വിഷയങ്ങൾ അവതരിപ്പിച്ചു.റാബിയ കുടുംബങ്ങളിൽ പച്ചക്കറി കൃഷി വ്യാപിപ്പിക്കുന്നതിന്റെ പ്രാധാന്യത്തെക്കുറിച്ച് സംസാരിച്ചു.യോഗത്തിൽ അംഗങ്ങൾ സജീവമായി പങ്കെടുത്തു. വിവിധ ക്ഷേമ പ്രവർത്തനങ്ങൾ കൂടുതൽ വ്യാപിപ്പിക്കാനും ചാരിറ്റി പദ്ധതികൾ ശക്തിപ്പെടുത്താനും യോഗം തീരുമാനിച്ചു.
ഷെമി ഷംനാസ് നന്ദി രേഖപ്പെടുത്തി.