നന്ദകുമാറിന്റെ വിവാദ പരാമർശത്തിനെതിരെ ചങ്ങരംകുളത്ത് യൂത്ത് ലീഗ് പ്രതിഷേധം

ചങ്ങരംകുളം:പൊന്നാനി മുൻ എം.എൽ.എയും സി.പി.ഐ(എം) നേതാവുമായ പി. നന്ദകുമാർ നടത്തിയ വർഗീയ പരാമർശത്തിനെതിരെ ആലംകോട് പഞ്ചായത്ത് മുസ്‌ലിം യൂത്ത് ലീഗ് കമ്മിറ്റി പ്രതിഷേധം സംഘടിപ്പിച്ചു.മലപ്പുറത്തെ ജനതയെ ഒന്നാകെ അപമാനിക്കുന്ന തരത്തിലുള്ള പരാമർശങ്ങൾ ഒരു ജനപ്രതിനിധിയും രാഷ്ട്രീയ നേതാവും നടത്തുന്നത് അംഗീകരിക്കാനാകില്ലെന്ന് പ്രതിഷേധം ഉദ്ഘാടനം ചെയ്ത പൊന്നാനി നിയോജകമണ്ഡലം മുസ്‌ലിം ലീഗ് പ്രസിഡന്റ് പി.പി. യൂസഫലി പറഞ്ഞു.തിരഞ്ഞെടുപ്പ് കാലത്ത് സമുദായിക-മത നേതാക്കളുടെ പിന്തുണ തേടി നടന്നിരുന്നയാളാണ് പി. നന്ദകുമാറെന്നും തിരഞ്ഞെടുപ്പിൽ പരാജയപ്പെട്ടതിന് പിന്നാലെ മലപ്പുറത്തെ ജനതയെ ആകെ മോശമായി ചിത്രീകരിക്കുന്ന നിലപാടാണ് അദ്ദേഹം സ്വീകരിക്കുന്നതെന്നും യൂസഫലി ആരോപിച്ചു.അൽത്താഫ് നജാത്ത് സ്വാഗതം പറയുകയും ഷഫീർ ചിയാനൂർ അധ്യക്ഷത വഹിക്കുകയും ചെയ്തു.ഷാനവാസ് വട്ടത്തൂർ,ജില്ലാ പഞ്ചായത്ത്‌ മെമ്പർ അഷ്ഹർ പെരുമുക്ക്, മണ്ഡലം യൂത്ത് ലീഗ് പ്രസിഡന്റ്‌ സികെ.അഷ്‌റഫ്, എം എസ് എഫ് സംസഥാന ട്രഷറർ റാഷിദ് കോക്കൂർ എന്നിവർ പ്രസംഗിച്ചു.