തിരുവനന്തപുരം: കേന്ദ്രം അനുവദിച്ച കൽക്കരി ഉപയോഗിച്ച് വൈദ്യുതി ഉൽപ്പാദിപ്പിക്കാനുള്ള ശ്രമം കെഎസ്ഇബി വീണ്ടും ആരംഭിച്ചു. ഇതിനായി കമ്പനികളിൽ നിന്ന് യോഗ്യതയ്ക്കായുള്ള അപേക്ഷ ക്ഷണിച്ചു. സംസ്ഥാനം വൈദ്യുതി പ്രതിസന്ധി നേരിടുന്ന പശ്ചാത്തലത്തിലാണ് നീക്കം.ശക്തി സ്കീമില് ഉള്പ്പെടുത്തി 2024ലാണ് കേന്ദ്രം 500മെഗാവാട്ട് വൈദ്യുതി ഉദ്പാദിപ്പിക്കാനുള്ള കല്ക്കരി കേരളത്തിന് അനുവദിച്ചത്. ഏതെങ്കിലും താപവൈദ്യുതി നിലയവുമായി കരാറുണ്ടാക്കി വൈദ്യുതി ഉദ്പാദിപ്പാനുള്ള നീക്കം നടത്തിയെങ്കിലും ഉയര്ന്ന തുകയാണ് കമ്പനികള് ആവശ്യപ്പെട്ടത്. ഇത് കാരണം പദ്ധതി ഫലം കണ്ടില്ല. ഇപ്പോഴുണ്ടായ വൈദ്യുതി പ്രതിസന്ധി കണക്കിലെടുത്താണ് വീണ്ടും ശ്രമം തുടങ്ങിയത്. കണ്ക്കരി ഉപയോഗിക്കാനായില്ലെങ്കില് കേന്ദ്രം ശക്തി സ്കീമില് നിന്ന് കേരളത്തെ പുറത്താക്കും. 25 വര്ഷത്തേക്കുള്ള കരാര് ഉണ്ടാക്കുകയാണ് ലക്ഷ്യം.
അടുത്ത വര്ഷം ജൂണ് മുതല് വൈദ്യുതി കിട്ടിത്തുടങ്ങണമെന്നതാണ് കെഎസ്ഇബിയുടെ ആവശ്യം. ഒക്ടോബര് മുതല് വൈദ്യുതി പ്രതിസന്ധി ഉണ്ടാവില്ലെന്നാണ് കെഎസ്ഇബിയുടെ വാദം. മതിയായ വൈദ്യുതി എത്തിക്കാനുള്ള കരാറുകളായിട്ടുണ്ട്. ഇന്നലെ 84.59 ദശലക്ഷം യൂണിറ്റെന്ന കുറഞ്ഞ വൈദ്യുതി ഉപയോഗമാണ് രേഖപ്പെടുത്തിയത്. കഴിഞ്ഞ നാല് ദിവസവും സംസ്ഥാനത്ത് വൈദ്യുതി നിയന്ത്രണം ഉണ്ടായിരുന്നില്ല.
അതേസമയം, സംസ്ഥാനത്ത് ഇന്നലെയും വൈദ്യുതി നിയന്ത്രണം ഉണ്ടായില്ല. കുറവുണ്ടായിരുന്ന 200 മെഗാവാട്ട് വൈദ്യുതി മധ്യപ്രദേശിൽ നിന്ന് ലഭിച്ചതോടെയാണ് നിയന്ത്രണം ഒഴിവാക്കാനായത്. തുടർച്ചയായി മൂന്നാം ദിവസവും വൈദ്യുതി നിയന്ത്രണം ഉണ്ടായില്ലെന്ന് കെഎസ്ഇബി അറിയിച്ചു. ഇന്നലെയും വൈദ്യുതി ഉപയോഗത്തിൽ ഗണ്യമായ കുറവാണ് രേഖപ്പെടുത്തിയത്. പീക് സമയ ആവശ്യകത 4845 മെഗാവാട്ടാണ്.ഇന്നും വൈദ്യുതി നിയന്ത്രണം ഒഴിവാക്കാൻ ശ്രമിക്കുന്നതായും കെഎസ്ഇബി അറിയിച്ചു. കഴിഞ്ഞ ദിവസം സംസ്ഥാനത്തെ പ്രതിദിന വൈദ്യുതി ഉപയോഗം 84 ദശലക്ഷം യൂണിറ്റായി കുറഞ്ഞിട്ടുണ്ട്.
