നരിപ്പറമ്പിൽ സ്വകാര്യ ബസ് ഇൻസുലേറ്റഡ് ലോറിയിലിടിച്ച് അപകടം; വിദ്യാര്‍ത്ഥികളും വിദ്യാര്‍ത്ഥികളും അടക്കം 15 പേർക്ക് പരിക്ക്

തവനൂർ:നരിപറമ്പിൽ സ്വകാര്യ ബസ് മീൻ കയറ്റിവന്ന ഇൻസുലേറ്റഡ് ലോറിയിലിടിച്ച് വിദ്യാര്‍ത്ഥികളും സ്ത്രീകളും അടക്കം 15 ഓളം പേര്‍ക്ക് പരിക്കേറ്റു.ചൊവ്വാഴ്ച കാലത്ത് 9 മണിയോടെ നരിപ്പറമ്പ് സെന്ററില്‍ ആണ് അപകടം.കുറ്റിപ്പുറത്ത് നിന്ന് പൊന്നാനി പോകുന്ന ഹുവൈസ് ബസ്സാണ് അപകടത്തില്‍ പെട്ടത്.സ്കൂള്‍ സമയമായതിനാല്‍ വിദ്യാര്‍ത്ഥികള്‍ ആണ് കൂടുതല്‍ ബസ്സില്‍ ഉണ്ടായിരുന്നത്.അപകടത്തില്‍ ലോറിയുടെ ഡീസല്‍ടാങ്ക് പൊട്ടി ഡീസല്‍ റോഡിലൊഴികിയത് ആശങ്ക പരത്തി.പരിക്കേറ്റവരെ നാട്ടുകാര്‍ ചേര്‍ന്ന് പ്രദേശത്തെ സ്വകാര്യ ആശുപത്രിയില്‍ എത്തിച്ചു.പരിക്കേറ്റ ആരുടെയും നില ഗുരുതരമല്ല.പൊന്നാനി പോലീസ് സ്ഥലത്ത് എത്തി മേല്‍ടപടികള്‍ സ്വീകരിച്ചു