ചങ്ങരംകുളം:ആലങ്കോട് ഗ്രാമപഞ്ചായത്തിൽ യന്ത്ര നടീൽ ഉദ്ഘാടനവും കാർഷിക സെമിനാറും സംഘടിപ്പിച്ചു.പൊന്നാനി മണ്ഡലം എം.എൽ.എ കെ.പി. നൗഷാദലി യന്ത്ര നടീൽ ഉദ്ഘാടനം ചെയ്തു.ആലങ്കോട് ഗ്രാമപഞ്ചായത്ത് പ്രസിഡന്റ് ആസിയ ഇബ്രാഹിം ചടങ്ങിൽ അധ്യക്ഷത വഹിച്ചു.ബ്ലോക്ക് പഞ്ചായത്ത് പ്രസിഡന്റ് റമീന ഇസ്മായിൽ കാർഷിക സെമിനാർ ഉദ്ഘാടനം ചെയ്തു.തുടർന്ന് ‘നെൽകൃഷിയിൽ നൂതന രീതി’ എന്ന വിഷയത്തിൽ അനിൽ ബാബു മാള ക്ലാസെടുത്തു.കൂടുതൽ വിസ്തൃതിയിൽ കൃഷി വ്യാപിപ്പിക്കാനും ഉൽപ്പാദനച്ചെലവും സമയവും വലിയ തോതിൽ കുറയ്ക്കാനും യന്ത്ര നടീൽ സഹായിക്കുമെന്ന് യോഗത്തിൽ പങ്കെടുത്ത കര്ഷകര് അഭിപ്രായപ്പെട്ടു.കുറഞ്ഞ അളവിൽ തൊഴിലാളികളെ മാത്രം ഉപയോഗിച്ച് വേഗത്തിൽ നടീൽ പൂർത്തിയാക്കാൻ സാധിക്കും എന്നതും, ചെടികൾ കൃത്യമായ അകലത്തിൽ നടുന്നതിലൂടെ കൂടുതൽ സൂര്യപ്രകാശവും വായുസഞ്ചാരവും ലഭിച്ച് വിളവ് വർധിക്കും എന്നതും യന്ത്ര നടീലിന്റെ പ്രത്യേകതയാണ്.
ആലങ്കോട് ഗ്രാമപഞ്ചായത്ത് വൈസ് പ്രസിഡന്റ് സുബൈർ ഉദിനു പറമ്പ്, ബ്ലോക്ക് ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ഹസീബ് കോക്കൂർ,സ്റ്റാൻഡിംഗ് കമ്മിറ്റി ചെയർമാൻ ഫവാസ് മാളിയേക്കൽ,വാർഡ് മെമ്പർ ഫവാസ് ഒതളൂർ, പെരുമ്പടപ്പ് ബ്ലോക്ക് എ.ഡി.എ വിനയൻ എം.വി, ആലങ്കോട് കൃഷി ഓഫീസർ അനീസ് എം എന്നിവർ ആശംസകൾ അർപ്പിച്ചു.കര്ഷകരായ സബാഹുസ്സലാം, ഷാഹിർ ഇ.എച്ച്, മൂസ ഇ.എം, അമീറാ സബാഹു,ഷൗക്കത്ത് ഇ.എച്ച്, ഫഹദ് ഇ.എച്ച് എന്നിവർ പരിപാടിക്ക് നേതൃത്വം നൽകി.സുഹൈർ എറവറാംകുന്ന് സ്വാഗതവും അബ്ബാസ് എൻ.എം നന്ദിയും പറഞ്ഞു.
