സ്കൂള്‍ പരിധിയിലെ കച്ചവട സ്ഥാപനങ്ങളില്‍ സംയുക്ത സ്ക്വാഡ് പരിശോധന നടത്തി

എടപ്പാള്‍:വട്ടംകുളം ഗ്രാമ പഞ്ചായത്ത് പരിധിയിലെ സ്കൂൾ പരിസരങ്ങളിലെ കച്ചവട സ്ഥാപനങ്ങളിൽ ആരോഗ്യ വകുപ്പ്,പോലീസ് വിഭാഗം,എക്സൈസ് വകുപ്പ് സംയുക്ത പരിശോധന നടത്തി.വിദ്യാർത്ഥികളുടെ ആരോഗ്യ സുരക്ഷ ഉറപ്പ് വരുത്തുന്നതിനാണ് സംയുക്ത പരിശോധന പരിപാടി സംഘടിപ്പിച്ചത്.സ്കൂൾ പരിസര പുകയിലവിൽപ്പന നിരോധന മേഖലയിൽ വിൽപ്പന നടത്തിയ കച്ചവട സ്ഥാപനങ്ങളിലെ പുകയില ഉൽപ്പന്നങ്ങൾ പിടിച്ചെടുത്ത് തുടർ നടപടികൾ സ്ഥീകരിച്ചു.വട്ടംകുളം കുടുംബാരോഗ്യ കേന്ദ്രം ഹെൽത്ത് ഇൻസ്പെക്ടർ ഡബ്ലൂ. രഞ്ജിത്ത് ലാൽ ,കെ.സി.മണിലാൽ, സതീഷ് അയ്യാപ്പിൽ ,ചങ്ങരംകുളം പോലീസ് സ്റ്റേഷൻ സീനിയർ സിവിൽ പോലീസ് ഓഫീസർ കെ.ജി സെബാസ്‌റ്റ്യൻ,എക്സൈസ് ഇൻസ്പെക്ടർ സിഎൻ. മനോജ് കുമാർ ,എം.ജെ.പ്രകാശിനി, കെ അനൂപ്,എം ശ്രീജ എന്നിവർ നേതൃത്വം നൽകി. തുടർന്നും പരിശോധനകൾ നടത്തുമെന്ന് അധകൃതർ അറിയിച്ചു.